🛑 नालंदा बुद्धविहार म्हापण येथे 65 वा धम्मचक्र प्रवर्तन दिन मोठ्या उत्साहात साजरा..

*🎥 कोकण लाईव्ह ब्रेकिंग न्यूज*

_अचूक बातमी थेट हल्ला_

*✍️ प्रतिनिधी : समीर चव्हाण*

*🎴वेंगुर्ले, दि-१६ :-* कोरोना महामारीच्या नंतर 2 वर्षांनी नालंदा बुद्धविहार म्हापण येथे सार्वजनिक रित्या पहिला कार्यक्रम पार पडला.औचित्य होते 65 व्या धम्मचक्र प्रवर्तन दिनाचे. दि बुद्धिस्ट सेवा संघ म्हापण ,पंचशील महिला मंडळ म्हापण आणि संबोधी उत्कर्ष मंडळ म्हापण यांच्या संयुक्त विद्यमाने दिनांक 15 ऑक्टोबर 2021 रोजी नालंदा बुद्धविहार म्हापण येथे 65 वा धम्मचक्र प्रवर्तन दिन साजरा करण्यात आला.महामानव क्रांतीसुर्य डॉ बाबासाहेब आंबेडकर यांनी दिनांक 13 ऑक्टोबर 1935 ला येवले मुक्कानी आपल्या भाषणामध्ये “जो धर्म माणसाला पशुपेक्षाही नीच वागणूक देतो तो धर्म आपल्या काय कामाचा ,”मी हिंदू म्हणून जन्मलो हे काही माझ्या हातात नव्हते पण मी हिंदू म्हणून मरणार नाही ” अशी घोषणा केली आणि तब्बल २० वर्ष सर्व धर्मांचा तुलनात्मक अभ्यास करून “समता स्वतंत्र आणि बंधुता ह्यावर आधारलेला बौध्द धम्म माणसासाठी कल्याणकर आहे असे बाबासाहेबांच्या निदर्शनास आले आणि म्हणून आजचा दिवशी १९५६ रोजी आपल्या 5 लाख अनुयायांसह नागपूर येथे जगातील सर्वात मोठे धर्मांतर केले होते आणि बौध्द धम्माची दीक्षा घेतली होती.ह्याचं धम्मचक्र प्रवर्तन दिनाचा कार्यक्रम आज दिनांक १५ ऑक्टोबर रोजी नालंदा बुद्धविहार म्हापण येथे साजरा करण्यात आला.ह्यावेळी कार्यक्रमाच्या अध्यक्षस्थानी मान.सुंदर म्हापणकर होते.तसेच मान. प्रमुख पाहुणे म्हणून मान.विकी कदम (मराठा सेवा संघ मुंबई) आणि प्रमुख वक्ते म्हणून मान.रोशन पाटील (प्रवक्ते ,ओबीसी संघर्ष समिती,मुंबई) आणि अन्य मान्यवर उपस्थित होते.कार्यक्रमाचे उद्घाटन मान्यवरांचा हस्ते संपन्न झाले आणि तद्नंतर बुद्ध वंदना सुत्रपठन करण्यात आले .त्यानंतर विचार मंचावर विचार मांडताना मान.विकी कदम यांनी बहुजनवाद ही संकल्पना अत्यंत विस्तृतपणे आपल्या मुलुख मैदानी जोषपूर्ण वक्तव्यातून विषद केली .त्यानंतर कार्यक्रमाचे प्रमुख वक्ते मान. रोशन पाटील यांनी मार्गदर्शन करताना , गण संस्कृती म्हणजे काय आणि कणबी आणि त्याचा अपभ्रंश कुणबी कसा झाला आणि कणबी म्हणजे काय आणि आपण सगळे कसे एक वंशीय आहोत हे विविध संदर्भ देऊन विषद केले आणि बोधिसत्व डॉ. बाबासाहेब आंबेडकर हे फक्त एका समुदायसाठी मर्यादित नसून ते सबंध जगाने मान्य केलेले ज्ञानी व्यक्तीमत्व आहेत आणि सर्व स्तरातील लोकांसाठी त्यांनी कार्य केलेले आहे हे संदर्भ देऊन स्पष्ट केले तसेच बाबासाहेबांचा धर्मांतराचा उद्देश आणि धम्म म्हणजे काय ,विहार म्हणजे काय अश्या विविध विषयांची उचल केली.त्यानंतर अध्यक्षीय भाषणाने कार्यक्रमाची सांगता झाली.ह्यावेळी विहार सौरक्षक भिंत बांधकामावेळी ज्यांनी मदत केली त्यांचा सत्कार करण्यात आला .ह्यामध्ये मान.सुनिल शांताराम म्हापणकर,वामन लिंगोजी म्हापणकर,केशव लिंगोजी म्हापणकर,संतोष नेरूरकर ,सुरेश अर्जुन म्हापणकर,रविकांत प्रकाश म्हापणकर,प्रशांत मधुकर जाधव,अरुण म्हापणकर, सुहासिनी सुभाष म्हापणकर,सुरेखा सुरेश म्हापणकर, सुवर्णा सुंदर म्हापणकर,प्रज्ञा चंद्रकांत म्हापणकर,साधना शरद म्हापणकर यांचा सत्कार करण्यात आला .कार्यक्रमाचे संचालन मान.चंद्रकांत म्हापणकर यांनी केले .कार्यक्रम यशस्वी करण्यासाठी सुशील म्हापणकर,अक्षय म्हापणकर,प्रशांत वालावलकर,प्रशांत जाधव,

प्रकाश म्हापणकर,किरण म्हापणकर,संजय म्हापणकर,सुरेश म्हापणकर,सुनिल म्हापणकर,अमित म्हापणकर,रविकांत म्हापणकर तसेच पंचशील महिला मंडळ च्या पदाधिकारी सदस्यांनी सहकार्य केले.