🛑 कोकणामध्ये ओला दुष्काळ जाहीर करणेबाबत आमदार राजन साळवी यांची कृषीमंत्री दादा भुसे यांच्याकडे मागणी..

*🎥 कोकण लाईव्ह ब्रेकिंग न्यूज*
_अचूक बातमी थेट हल्ला_

*✍️ प्रतिनिधी : अद्वैत अभ्यंकर*

*🎴राजापूर दि.१३:-* कोकणामध्ये अतिवृष्टी झाली असून शेतकऱ्यांचे खूप मोठ्या प्रमाणात नुकसान झालेले आहे. म्हणून कोकणामध्ये ओला दुष्काळ जाहीर करण्यात येऊन शेतकऱ्यांना नुकसान भरपाई मिळणे बाबत आमदार राजन साळवी यांनी कृषिमंत्री दादा भुसे यांची भेट घेऊन चर्चा करून मागणी केली.
कोकणावर आजपर्यंत आलेल्या अनेक आपत्तींमुळे जसे की वादळ, अतिवृष्टी, महापूर यांमुळे शेतकऱ्यांचे मोठया प्रमाणात नुकसान झाले आहे. तसेच आजपर्यंत होत असलेल्या अतिवृष्टी मुळे शेतकऱ्यांच्या पिकांचे मोठया प्रमाणात नुकसान होत आहे. वादळ, महापूर व आता अतिवृष्टीमुळे शेतकऱ्यांचे कापणीला आलेले पीक  खराब झाले असुन भातशेतीचे प्रचंड नुकसान झाले आहे. परिणामी कोकणातील शेतकरी भयंकर आर्थिक संकटात सापडला आहे. या सगळ्या परिस्थितीचा सहानुभूती पूर्वक विचार करून कोकणामध्ये ओला दुष्काळ जाहीर करण्याची विनंती आमदार राजन साळवी यांनी कृषिमंत्री दादा भुसे यांच्याकडे निवेदनाद्वारे केली आहे.
त्या अनुषंगाने कृषिमंत्री दादा भुसे यांनी संबंधित विभागातील सचिवांना उचित कार्यवाही करण्याचे आदेश देऊन निवेदानाप्रती सकारात्मता दर्शवली आहे.