🛑 माजगांव मेटवाडा पाणीप्रश्नासंदर्भात अद्यापही प्रश्नचिन्ह ; एकत्र बैठकीत कोणताच ठोस निर्णय झाला नाही

_*🛑 मेटवाडा साठी स्वतंत्र नळपाणी योजना राबविण्यासाठी तहसीलदारांनी ग्रामपंचायतला दिले पत्र..*_

*🎥 कोकण लाईव्ह ब्रेकिंग न्यूज*
_अचूक बातमी थेट हल्ला_

*✍️ प्रतिनिधी : प्रशांत मोरजकर*

*🎴सावंतवाडी, दि-०७ :-* गेली कित्येक वर्ष सावंतवाडी नगरपालिकेच्या नळपाणी योजनेवर अवलंबून असलेल्या माजगाव मेटवाडी येथील ग्रामस्थांचा पाणीपुरवठा बंद झाल्याने यावर तोडगा काढण्यासाठी तहसील कार्यालतात तहसीलदार राजाराम म्हात्रे यांच्या उपस्थिती मध्ये बैठक घेण्यात आली यात मेटवाडा भागासाठी स्वतंत्र विहीर बांधून नळपाणी योजना सुरु करण्यासंदर्भात पत्रव्यवहार सुरु करण्याच्या सूचना श्री म्हात्रे यांनी ग्रामपंचायत प्रशासनाला दिल्या मात्र सध्याच्या पाणी टंचाईचा प्रश्न अनुत्तरी राहिला आहे
यावेळी उपसरपंच संजय कानसे माजगाव ग्रामसेवक संदीप गोसावी ग्रामीण पाणीपुरवठा उपअभियंता राणे नगरपालिका पाणीपुरवठा विभागाचे अभियंता भाऊ भिसे माजी सरपंच दत्तगुरु भोगणे उमेश नाटेकर पवन सावंत विजय सावंत प्रसाद सावंत प्रशांत मोरजकर आदी उपस्थित होते
गेली अनेक वर्ष शहराला लागून असलेल्या माजगाव गावातील मेटवाडी या वाडीतील काही ग्रामस्थांना सावंतवाडी नगरपालिकेच्या पाळणे कोंड धरणावरील योजनेतून पाणीपुरवठा केला जात होता. मात्र गावात नळपाणी योजना सुरु झाल्यानंतर येथील पाणी पुरवठा बंद करण्यात येणार असल्याचा करार झाला असल्याने पाळणेकोंड धरणातून होणार पाणी पुरवठा बंद करण्यात आल्याचे पालिका प्रशासनाचे म्हणणे आहे शहरात नळ कनेक्शन वाढून पाण्याची समस्या उद्भवू लागल्याने व करार ची मुदत संपल्याने पालिका प्रशासनाकडून इतर गावांना देण्यात येणारा पाण्याचा पुरवठा बंद करण्यात आला हा निर्णय एप्रिल मे मध्ये घेण्यात आला होता मात्र माजगाव सरपंच व ग्रामपंचायत प्रशासन तसेच मेटवाडी ग्रामस्थांनी नगराध्यक्ष संजू परब यांची भेट घेऊन जुलैपर्यंत पाणीपुरवठा करण्याची मागणी केली होती त्यानुसार जुलै एंडिंग पर्यंत पालिकेकडून पाणीपुरवठा पुरवण्यात आला मात्र ऑगस्ट पासून हा पाणीपुरवठा बंद असल्याने येथील ग्रामस्थांना पावसाळ्यात देखील पाण्याचे हाल सोसावे लागले तर पिण्यासाठी दुसऱ्यांच्या विहिरीवरून पाणी आणण्याची वेळ सध्या येथील ग्रामस्थांवर आली आहे. यामुळे पावसाळ्यातच पाण्यासाठी वणवण करावी लागत असल्याने या पाण्याच्या प्रश्नि तहसील कार्यालयासमोर मेटवाडा ग्रामस्थांनी उपोषण शेडले होते मात्र बैठकीत सर्वांना एकत्र घेऊन तोडगा काढू असे आश्वासन तहसील म्हात्रे यांनी दिल्यानंतर उपोषण मागे घेण्यात आले होते त्यानुसार आज तहसीलदार कार्यालयात ग्रामीण पाणी पुरवठा, नगरपालिका प्रशासन ग्रामपंचायत उपसरपंच ग्रामसेवक व ग्रामस्थ यांच्या उपस्थिती मध्ये बैठक घेण्यात आली यात नगरपालिकेकडून नळयोजना सुरूहोईपर्यंत पाणी पुरवठा कारण्यासंदतभात ग्रामस्थांनी नगरपालिका पाणीपुरवठा विभागाचे अभियंता यांच्याकडे मागणी केली मात्र करार संपल्याने पाणीपुरवठा करण्यास पालिकेने नकार दर्शविला यामुळे यावर चर्चा होऊन अखेर या भागात लवकरात योजनेतून निधी मिळवून विहीर बांधण्याचा निर्णय घेण्यात आला यासाठी लवकरात लवकर जागेची पडताळणी करून सर्वे करण्याच्या सूचना म्हात्रे यांनी दिल्या तर मे अखेर पर्यंत नळपाणी योजनेचे काम पूर्ण होऊन पुढच्या वर्षी तरी ग्रामस्थांनी याठिकाणी पुन्हा बैठक बोलावण्याची गरज भासणार नसल्याचा विश्वास व्यक्त केला या नळयोजनेसाठी निधी मिळावा तसेच जागा उपलब्ध व्हावी यासाठी ग्रामपंचायत प्रशासनाकडून पत्र व्यवहार सुरु करण्यात याव्यात अशा सूचना म्हात्रे यांनी ग्रामसेवक यांना दिल्या मात्र सध्याच्या काळात होत असलेल्या पाणीटंचाई बाबत अद्यापही ठोस निर्णय झाला नसून प्रश्चचिन्हच आहे,मात्र नळपाणी योजना सुरू होईपर्यत तरी नगरपालिकेने माजगांव मेटवाडा परिसरात पाणीपुरवठा करावा अशी मागणी ग्रामस्थांमधून होत आहे