🛑 पाण्यासंदर्भात पुकारलेले माजगांववासियांचे उपोषण स्थगित..

_*🛑 योग्य तोडगा न काढल्यास यापुढे बेमुदत उपोषण छेडण्याचा ग्रामस्थांनी दिला इशारा..*_

*🎥 कोकण लाईव्ह ब्रेकिंग न्यूज*
_अचूक बातमी थेट हल्ला_

*✍️ प्रतिनिधी : प्रशांत मोरजकर*

*🎴सावंतवाडी, दि-२:-* माजगांव मेटवाडा परिसरात जुलै महिन्यापासून पाणी पुरवठा होत नाही यासंदर्भात प्रशासन लोकप्रतिनिधी यांचे वेळोवेळी लक्ष वेधले होते मात्र कोणीच दखल घेत नसल्याने आज माजगांव मेटवाडा ग्रामस्थांनी तहसीलदार कार्यालय येथे उपोषण छेडले होते.सावंतवाडी चे तहसिलदार राजाराम म्हात्रे यांनी उपोषण कर्त्याची भेट घेत समस्या जाणून घेतली व लवकरच सर्व प्रशासन आणि ग्रामस्थांची एकत्रित बैठक घेऊन लवकरच तोडगा काढला जाईल असे आश्वासन देण्यात आले यानंतर माजगांव मेटवाडा ग्रामस्थांनी आपले उपोषण स्थगित केले.या उपोषणाला राष्ट्रवादी काँग्रेसचे तालुकाध्यक्ष पुंडलिक दळवी यांनी भेट दिली.यावेळी राजन परब,पवन सावंत,सुदेश माळकर,अण्णा परब,प्रसाद सावंत, माजी सरपंच दत्तगुरु भोगणे,सचिन मोरजकर आदी उपस्थित होते.
एकत्रित बैठकीत तोडगा निघाला नाही तर यापुढे बेमुदत उपोषण छेडणार असल्याचा इशारा यावेळी ग्रामस्थांनी प्रशासनाला दिला आहे.