🛑 विनापरवाना लाकुड वाहतूक विरोधात कुडाळ वनविभागाची बिबवणे येथे कारवाई..

_*🛑 टेम्पो व लाकुड जप्त..*_

*🎥 कोकण लाईव्ह ब्रेकिंग न्यूज*

_अचूक बातमी थेट हल्ला_        

*✍️ प्रतिनिधी : सुनील आचरेकर*

*🎴सिंधुदुर्ग, दि-२९ :-* २८ सप्टेंबर, २०२१ रोजी पहाटे ५.०० वाजताच्या सुमारास टाटा मॉडेल 1109 वाहन क्र. MH 07-C 5907 या वाहनामधून आंबा इमारती लाकडाची विनापरवाना मौजे घुमडे ता. मालवण येथून सावंतवाडीकडे वाहतूक होत असल्याबाबत मिळालेल्या गोपनीय माहितीनुसार वाहनाची मौजे बिबवणे ता. कुडाळ येथे अटकाव करून तपासणी करण्यात आली. त्यावेळी त्यात अवैध आंबा इमारती नग 32/325.000 घनफूट माल आढळून आला.

या प्रकरणी मालवण तालुक्यातील रुपेश जयवंत सावंत रा. बिळवस, सुधीर रमाकांत बिरमळे रा. घुमडे व मोहन भगवान गावडे रा. घुमडे ता. मालवण यांच्यावर वनोपज लाकूड मालाची विनापरवाना विनापासी अवैध वाहतूक करून भारतीय वन अधिनियम १९२७ चे कलम ४१ (2ब), महाराष्ट्र वन नियमवाली २०१४ चे नियम ३१, ८२ चे उल्लंघन केल्याने गुन्हा नोंद करणेत आला आहे. तसेच वाहतूकीसाठी वापरण्यात आलेले टाटा मॉडेल 1109 वाहन व इमारती लाकूड माल जप्त करण्यात आला असून पुढील तपास चालू आहे.

यावेळी वनपरिक्षेत्र अधिकारी श्री. शिंदे म्हणाले, लाकूड मालाची विनापासी अवैध वाहतूक करणे भारतीय वन अधिनियम १९२७ अन्वये प्रतिबंधित असून अशा अवैध वाहतुकीकरिता २ वर्षे पर्यंतच्या कारावासाची तसेच द्रव्यदंडाचीही तरदूत करण्यात आलेली आहे. सदर कारवाई उपवनसंरक्षक (प्रा.) सावंतवाडी शहाजी नारनवर व सहाय्यक वनसंरक्षक (खाकुतो व वन्यजीव) सावंतवाडी आय. डी. जालगावकर यांच्या मार्गदर्शनाखाली वनपरिक्षेत्र अधिकारी, कुडाळ अमृत शिंदे यांनी वनपाल मालवण श्रीकृष्ण परीट, वनपाल नेरुर हवेली धुळु कोळेकर, वनरक्षक कांदळगाव विष्णू नरळे, वनरक्षक नेरूर हवेली सावळा कांबळे, वनरक्षक माणगाव बाळराजे जगताप यांसमवेत यशस्वी केली.