🛑 तोक्ते वादळामुळे झालेली नुकसानभरपाई न मिळाल्यामुळे घोटगे येथील शेतकऱ्यांचे तहसीलदारांना निवेदन..

🛑 न्याय न मिळाल्यास गांधी जयंती दिवशी तहसीलदार कार्यालयासमोर उपोषणाला बसण्याचा इशारा..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रतिक राणे

🎴दोडामार्ग, दि-२९ :- तोक्ते चक्रिवादळा मुळे घोटगे येथील शेतकर्‍यांचे मोठ्या प्रमाणात केळींचे नुकसान झाले होते. तोक्ते वादळामुळे नुकसान झालेल्या शेतकऱ्यांना महिन्याभरापूर्वी नुकसानीबाबत निधीचे वाटप करण्यात आले होते.मात्र ते वाटप योग्य पद्धतीने झालेले नाही.ज्याप्रमाणे नुकसानीचे पंचनामे झाले त्याप्रमाणे त्या निधीचे वाटप झालेले नाही.त्यामुळे तहसीलदार यांच्याकडून ते योग्य पद्धतीने निधीचे वाटप व्हावे व शेतकऱ्यांना न्याय मिळावा यासाठी घोटगे येथील शेतकरी भरत दळवी,संदीप दळवी,परशुराम दळवी,आत्‍माराम दळवी, विजय दळवी, सतीश परब व कानू दळवी आदींनी निवेदनाद्वारे तहसीलदार यांचे लक्ष वेधले आहे.

लवकरात लवकर ज्याप्रमाणे पंचनामे झाले आहेत त्याप्रमाणे निधी वाटप न झाल्यास २ ऑक्टोंबर रोजी गांधी जयंती दिवशी उपोषणाला बसणार असल्याचे शेतकऱ्यांनी निवेदनात म्हटले आहे.