🛑 सातारा कंदी पेढे हार घालून आय.ए.एस उत्तीर्ण प्रथमेश राजेशिर्के यांचा नगरसेवक सुहास राजेशिर्के यांनी केला विशेष सन्मान

September 28, 2021 Pratik Rane

_*🛑 अतिदुर्गम भागात गोर गरीब जनतेची सेवा करायची आहे ; प्रथमेश राजेशिर्के*_

*🎥 कोकण लाईव्ह ब्रेकिंग न्यूज*

_अचूक बातमी थेट हल्ला_

*✍️ प्रतिनिधी : ओंकार रेळेकर*

*🎴चिपळूण, दि-२८ :-* सातारा नगरपालिकेचे माजी उपनगराध्यक्ष तथा विद्यमान नगरसेवक सुहास राजेशिर्के यांनी खास सातारा येथून चिपळुणात येऊन सोमवारी सकाळी आय. ए. एस परिक्षा उत्तीर्ण झालेला प्रथमेश राजेशिर्के यांचा सातारा कंदी पेढे हार घालून विशेष सन्मान केला यावेळी राजेशिर्के यांच्या सौभाग्यवती माजी नगरसेविका स्नेहल सुहास राजेशिर्के उपस्थित होत्या.

भविष्यात आपल्याला अतिदुर्गम भागात गोर-गरीब जनतेची सेवा करायची आहे असे आयएएस उत्तीर्ण प्रथमेश राजेशिर्के यांनी येथे बोलताना सांगितले सोमवारी सकाळी नगरसेवक सुहास राजेशिर्के यांनी प्रथमेश राजेशिर्के यांच्या मांडकी येथील निवासस्थानी जाऊन विशेष गौरव केला.

अत्यंत कठीण परिस्थितीतून शिक्षण घेत असताना माझे वडील स्वर्गीय अरविंद राजेशिर्के यांच्या प्रोत्साहनामुळेच मी शिक्षणात यश संपादन करू शकलो परंतु माझ्या आयुष्यात अत्यंत दुःखद असा प्रसंग म्हणजे या परीक्षेचा अभ्यास करीत असतानाच मे महिन्यामध्ये माझ्या वडिलांचे निधन झाले गरीब परिस्थितीतून कसेबसे पैसे उभे करून बाबांनी मला शिक्षण दिले त्या कठीण प्रसंगाची आठवण माझ्या मनात सदैव राहुल राहील भविष्यात जिथे जिथे शैक्षणिक दृष्ट्या माझ्या गरीब बांधवांना शैक्षणिक मार्गदर्शन लागेल तिथे मी करणार आहे या प्रसंगातून माझी अशी प्रामाणिक इच्छा आहे की मला या शिक्षणातून ज्या पदावर सेवेची संधी मिळेल या सेवेची सुरुवात मी अतिदुर्गम भागातील गोर-गरीब नागरिकांची सेवा करूनच करणार आहे असे आयएएस उत्तीर्ण प्रथमेश राजेशिर्के यांनी येथे बोलताना सांगितले.

संपूर्ण भारत देशामध्ये २३६ वा तसेच महाराष्ट्रामध्ये १० व्या क्रमांकाने उत्तीर्ण होऊन प्रथमेश राजेशिर्के यांनी संपूर्ण भारतामध्ये राजेशिर्के घराण्याचे नाव उंचावले आहे याचा आम्हाला अभिमान आहे . आमच्या परिवारासाठी हा फार अनमोल क्षण आहे प्रथमेश ने यापुढेही शिक्षण सुरू ठेवावे व जिथे जिथे माझे सहकार्य लागेल तिथे तिथे मी प्रथमेश सोबत आहे असे साताऱ्याचे माजी उपनगराध्यक्ष तथा नगरसेवक सुहास राजेशिर्के यांनी येथे बोलताना सांगितले. प्रताप मन्यासाहेब राजेशिर्के,मांडकीचे माजी उपसरपंच उमेश राजेशिर्के,विनय खानविलकर,गौरेश खानविलकर,चंद्रकांत खानविलकर,चित्रा खानविलकर,शर्मिला राजेशिर्के आदी यावेळी उपस्थित होते.मित्रपरिवार विविध राजकीय पक्षातील मंडळींनी प्रथमेश राजेशिर्के यांचे अभिनंदन केले आहे.

Leave a Reply