🛑 माजगांव मेटवाडा पाण्यापासून वंचित ; वारंवार लक्ष वेधूनही प्रशासन करतय दुर्लक्ष..

🎥 कोकण लाईव्ह ब्रेकिंग न्यूज
अचूक बातमी थेट हल्ला

✍️ ब्युरो न्यूज : कोकण लाईव्ह ब्रेकिंग

🎴सावंतवाडी, दि.२८:- तालुक्यातील माजगांव दत्तमंदिर परिसरातील मेटवाडा ह्या भागात जुलै महिन्यापासून नळाचे पाणी पुर्णपणे बंद झाले आहे.त्या भागातील लोकांना पाण्यासाठी हाल सोसावे लागत आहे याबाबत अनेकवेळा ग्रामपंचायत माजगांव यांनाही कल्पना दिली होती तसेच सावंतवाडी नगरपालिकेने माजगांव ला पाणीपुरवठा करणे बंद केल्याने हा प्रश्न समोर येत आहे.सर्वच राजकीय पक्ष बिनकामी बनलेले आहे हेच समोर येत आहे फक्त निवडणूक आली की जनता लागते बाकी समस्या वेळी कोणताच पक्ष किंवा प्रशासन सुद्धा लक्ष देत नसल्याने ग्रामस्थ हैराण झाले आहे. नळपाणी बंद पडल्याने शेजारीपाजारी तसेच काही अंतरावरून पिण्यासाठी पाणी,दररोजच्या वापरासाठी पाणी आणावे लागत आहे.प्रशासनाला सुद्धा याबाबत लक्ष वेधले होते मात्र सर्वचजण फक्त पोकळ आश्वासन देत आहे.स्थानिक ग्रामपंचायत सरपंच दिनेश सावंत,आमदार दिपक केसरकर,सावंतवाडी चे नगराध्यक्ष संजू परब,तहसिलदार यांनी सर्वानी मिळून हा प्रश्न सोडवावा अशी मागणी मेटवाडा येथील ग्रामस्थांनी केली आहे.
गेल्या वीस वर्षांपासून सुरू असलेला सावंतवाडी नगरपालिकेचा पाणी पुरवठा बंद झाल्याने ग्रामस्थांचे पाण्याविना हाल होत आहेत त्यामुळे ग्रामस्थ आक्रमक होत जिल्हाधिकारी यांना आंदोलनाचा इशारा देण्यात आला आहे,एकीकडे सरकार टँकर मुक्त गाव करण्यासाठी योजना राबवित असून दुसरी कडे ह्या गावात पाणीपुरवठाच बंद केला आहे ह्यामुळे ग्रामस्थांसमोर मोठा प्रश्न उपस्थित झाला आहे.