🛑 रात्रीच्या सुमारास लागलेल्या भीषण आगीत ओणी बाजारपेठेतील दोन दुकाने जळून खाक, ५० लाखांची हानी..

*🎥 कोकण लाईव्ह ब्रेकिंग न्यूज*

_अचूक बातमी थेट हल्ला_

*✍️ प्रतिनिधी : अद्वैत अभ्यंकर*

*🎴राजापूर,दि-२८ :-* काल रात्री साडेदहा ते बारा या वेळात ओणी बाजारपेठ येथे लागलेल्या भीषण आगीत श्रेयस इलेक्ट्रॉनिक्स आणि लक्ष्मी क्रिएशन ही दोन दुकाने जळून खाक झाली आहेत. दोन्ही दुकानांचे मिळून सु. ५० लाखांचे नुकसान झाले आहे.

दत्ताराम पांचाळ (३५) रा. वदडहसोळ, मिरजोळकर वाडी यांनी दिलेल्या माहितीनुसार ओणी बाजारपेठ येथील यश आर्केड या इमारतीत त्यांचे श्रेयस इलेक्ट्रॉनिक्स या नावाचे नवीन वस्तू विक्री व दुरुस्तीचे दुकान आहे. काल संध्याकाळी नेहमीप्रमाणे ते दुकान बंद करून घरी गेले. रात्री त्यांना ओणी येथील काही लोकांनी त्यांच्या बंद दुकानातून धूर येत असल्याचा फोन केला. ताबडतोब दत्ताराम पांचाळ आपल्या चारचाकी गाडीने दुकान जवळ हजर झाले. व त्यांनी दुकानाचे शटर उघडले. तेव्हा संपुर्ण दुकान धुराने भरल्याचे दिसून आले. उपस्थित लोकांनी काही करण्यापूर्वी पांचाळ यांचे व शेजारी असणारे देऊ तरळ यांच्या मालकीचे लक्ष्मी क्रिएशन नावाचे कापड दुकान आशा दोन्ही दुकानांत आग भडकली. लोकांनी आपल्या परीने बंब येइपर्यंत आग विझवण्यासाठी शर्थीचे प्रयत्न केले. बंब येऊन आग विझवली पण तोपर्यंत दोन्ही दुकाने पुर्णतः जळून खाक झाली होती. या आगीत दत्ताराम पांचाळ यांचे नवीन एल.ई.डी. टीव्ही, होम थिएटर, साउंड सिस्टीम, डी.जे. मशीन, डीश व दुरुस्तीला आलेले जुने टीव्ही इ. मिळून सु. २०,७४,५०० रुपयांचे तर शेजारी असणाऱ्या देऊ तरळ यांच्या लक्ष्मी क्रिएशन या दुकानातील ड्रेस, साड्या, होजिअरी व कापड इ. चे मिळून सु. ३० लाख रुपयांचे नुकसान झाले आहे.

आज सकाळी राजापूर पोलिसांकडे तक्रार दाखल झाली असून अधिक तपास राजापूर पोलीस करीत आहेत.