🛑 महापुराला महिना होऊनदेखील व्यापारी मदतीपासून वंचित..

🛑 शासनाने तात्काळ मदत द्यावी ; रुपेश आवले

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : ओंकार रेळेकर

🎴चिपळूण, दि-२२:- जुलै रोजी आलेल्या महाभयंकर पुरामुळे समस्त चिपळूणकरांचे संपूर्ण जीवनच उध्वस्त झाले आहे. तसेच व्यापाऱ्यांचेही अतोनात नुकसान होऊन अक्षरशः व्यापारी संपूर्णपणे उध्वस्त झाले आहेत. त्यातच सरकारने जाहीर केलेली मदतही अजून एक महिना उलटून गेला तरीही व्यापाऱ्यांना मिळालेली नाही. शासनाकडून पंचनामे होऊनही आता जवळपास महिना होऊन गेला आहे. इतक्या भयंकर परिस्थिती मध्येही ह्या उध्वस्त व्यापाऱ्यांनी जुळवाजुळव करून शासनाच्या मागणी नुसार शक्य ती कागदपत्रेही आपणाकडे सुपूर्द केलेली आहेत. तरीही अजूनही प्रशासनाकडून मदत देण्यादृष्टीने काहीच हालचाल दिसत नाही. तरी ही सर्व प्रक्रिया लवकरात लवकर पूर्ण करून *व्यापाऱ्यांना त्वरित मदत मिळावी, पूरग्रस्तांच्या सहनशीलतेचा अंत पाहू नका व उद्रेकाची वाट पाहू नका असा इशारा युवक काँग्रेसचे तालुका उपाध्यक्ष रुपेश आवले यांनी दिला आहे.

यावर्षी महापुराने २६ जुलै २००५ च्या पुरापेक्षा चिपळूणवासियांचे मोठे नुकसान झाले आहे. पूर ओसरल्यानंतर शासनाने तात्काळ मदत जाहीर करणे अपेक्षित होते. ते देखील केले नाही. काही दिवसांचा कालावधी यामध्ये गेला. नंतर मदत जाहीर केली. मात्र,व्यापारी मदतीपासून अजूनही वंचित आहेत. यामुळे व्यापारी अडचणीत आला आहे तो अजून अडचणीत आला आहे. गणेशोत्सव जवळ ठेपला असून व्यापार कसा करायचा असा प्रश्न व्यापाऱ्यांना पडला आहे. तरी शासनाने व्यापाऱ्यांना पुन्हा उभे करण्यासाठी तात्काळ मदत द्यावी अशी मागणी काँग्रेसचे तालुका उपाध्यक्ष रुपेश आवले यांनी केले आहे.