🛑 दोडामार्ग ते तिलारी या रस्त्यावरील खड्डे तात्काळ बुजवावेत ; अन्यथा याच मार्गावर केले जाईल रास्तारोको आंदोलन..

🛑 सरपंच सेवा संघटक प्रवीण गवस यांचा सार्वजनिक बांधकाम विभागाला इशारा..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रतिक राणे

🎴दोडामार्ग, दि-२१ :- दोडामार्ग ते भेडशी-तिलारी रस्त्यावर खड्ड्यांचे साम्राज्य निर्माण झाले आहे. रस्त्याची अक्षरशः चाळण झाली आहे. अशा अवस्थेत वाहनधारक जीव धोक्यात घालून वाहने हाकत आहेत. यापूर्वी अशा खड्ड्यांमुळे अनेक अपघात झालेले आहेत. काहीजणांना आपला जीव गमवावा लागला. अशा घटना घडल्या असतानाही सार्वजनिक बांधकाम विभाग याकडे गांभीर्याने लक्ष देत नाही हे दुर्दैव म्हणावे लागेल.

रस्त्यावरील खड्डे बुजविण्यासाठी दोडामार्ग तालुक्यातील नागरिकांना रास्ता रोको आंदोलने केल्या शिवाय सार्वजनिक बांधकाम विभाग जागे होत नाही.

गणेश चतुर्थी पूर्वी हे खड्डे बुजविणे गरजेचे असताना याकडे सार्वजनिक बांधकाम विभागाचा दुर्लक्ष दिसत आहे. गणेशोत्सव जवळ येऊन पोहोचला आहे. या मार्गावरून वाहनांची रहदारी वाढली आहे. त्यामुळे कोणताही अपघात होण्यापूर्वी हे खड्डे तात्काळ बुजविण्याच्या कामाला सुरुवात करावी अन्यथा याच मार्गावर रास्तारोको आंदोलन केले जाईल असा इशारा सरपंच सेवा संघटक प्रवीण गवस यांनी दिला आहे.