🛑 आमदार केसरकर हे मायनिंग समर्थक की विरोधक हे त्यांनी स्वतः जाहीर करावं ; मनसे दोडामार्ग तालुका अध्यक्ष सुनिल गवस

August 21, 2021 Pratik Rane

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रतिक राणे

🎴दोडामार्ग, दि-२१ :- आमदार दिपक केसरकर हे मायनिंग समर्थक की विरोधक हे त्यांनीच स्वतः जाहीर कराव म्हणजेच दोडामार्ग तालुक्यातील व कळणे गावातील जनतेच्या मनातील संभ्रम दूर होईल. कारण कळणे येथील ग्रामस्थ १५ ऑगस्ट रोजी कळणे मायनिंगचा बांध फुटून झालेल्या नुकसानी संदर्भात चिखलात बसून आंदोलन करत होते. त्यांची मागणी योग्य होती. मात्र आमदार केसरकर रस्त्याच्या बाजूला चिखलात बसून सुरू असलेले उपोषण सोडून झरेबांबर येथील एका कार्यक्रमाचे उद्घाटन करून केर गावातील ग्रामपंचायतीच्या उद्घाटनाच्या कार्यक्रमाला गेले यावरून स्पष्ट दिसून येते की आमदार केसरकरांना कळणे मायनिंग च्या विरोधात उपोषणाचे काही देणे घेणे नव्हते. असे मत महाराष्ट्र नवनिर्माण सेनेचे तालुका अध्यक्ष सुनिल गवस यांनी प्रसिद्धी प्रत्रकाद्वारे व्यक्त केले आहे.

निवडणुकीवेळी केवळ काँग्रेस- राष्ट्रवादी विरोधात तसेच जिल्ह्यातील प्रदूषणकारी प्रकल्प सत्तेत आल्यानंतर कायमस्वरूपी बंद करू ही केवळ शिवसेनेच्या नेतेमंडळीची खोटी आश्वासने होती आणि ती आता आमदारांच्या वागण्यातून दिसून येत आहे.भाजप बरोबर ५ वर्षे सत्तेत असतानाजे सेनेच्या नेतेमंडळींना जमले नाही ते आता कॉंग्रेस-राष्ट्रवादीच्या आघाडी सरकारमध्ये जमेल का? लोकांच्या जीवावर उठलेले प्रकल्प त्यावेळीच बंद करून दाखवले असते त्यामुळे ह्या त्यांच्या फक्त जनतेची दिशाभूल करण्यासाठी पोकळ वलग्ना आहेत हे आता जनतेला कळून चुकलं आहे.

कळणे मायनिंग चा बांध फुटून अनेकांच्या घरात चिखलाचे पाणी गेले अनेकांच्या शेतीमध्ये चिखलाचे पाणी गेल्यामुळे शेती नापीक झाली शेतामध्ये पाण्याचा गाळ गेल्याने जमिनी नापीक बनल्या . चिखलाचे पाणी विहिरीत गेल्याने पाणी दूषित बनले. तसेच पिण्याच्या पाण्याचे नमुने तपासले असताना ते दूषित असल्याचे प्रथमदर्शी तपासणी अहवालात निदर्शनास आले लोकांना पिण्याच्या पाण्याचे हाल होणार हे कळून चुकले होते म्हणून ते चिखलात बसून आंदोलन करत होते मात्र आमदारांना हे माहीत असताना ते मात्र उद्घाटनाच्या कार्यक्रमात मग्न होते. त्यामुळे जनता आता तुमचा डाव ओळखून आहे. लोकांना प्रश्न पडला आहे की शिवसेनेचे आमदार नक्की मायनिंग समर्थनार्थ की विरोधात. असे गवस यांनी प्रसिद्धी प्रत्रकाद्वारे म्हटले आहे.

Leave a Reply