🛑 महावितरण, महापारेषण, व महानिर्मिती कंपनीतील अभियंते संपावर जाणार..

August 20, 2021 Pratik Rane

🎥 कोकण लाईव्ह ब्रेकिंग न्यूज
अचूक बातमी थेट हल्ला

✍️ प्रतिनिधी : सुनिल आचरेकर

🎴सिंधुदुर्ग, दि-२० :- महावितरण, महापारेषण, व महानिर्मिती हया विज क्षेत्रात काम करणारे अभियंते हे महत्वाचे घटक म्हणून काम करतात सध्या चालू असलेल्या कोविडची महामारी असो किंवा सातत्याने येणाऱ्या वादळ, पूर, अशा नैसर्गिक आपत्तीमध्ये महाराष्ट्रातील विज ग्राहकाना अखंड विजपुरठा देण्यासाठी अभियंते आपल्या कर्मचारी सहकार्याबरोबर जिवाची पर्वा न करता रात्र दिवस काम करीत आहेत. त्याचबरोबर कंपनीचे आर्थीक परिस्थिती उंचावण्याकरीता वीज बिल वसूलांसाठी सुद्धा झटत
परंतु तिन्ही कंपनीचे प्रशासन अभियंत्याच्या प्रलंबित मागण्यासाठी उदासीन असल्याचे सातत्याने संघटनेला दिसत आहेत. प्राप्त परिस्थितीमध्ये आदोलनाची भूमिका नसावी व प्रशासनाबरोबर चर्चा करून प्रलंबित प्रश्न सोडवावे अशी संघटनेची इच्छा होती व त्या दृष्टीने संघटनेमार्फत वेळोवेळी प्रशासनासोबत व चर्चा सुद्धा केलेल्या आहेत तथापी अद्यापही प्रशासनाकडून अपेक्षित प्रतिसाद न मिळाल्यामुळे संघटनेला संपासारखे अंतिम हत्यार उचलण्या वाचून पर्याय उरलेला नाही. त्यामुळे दिनांक ०६ सप्टेंबर रोजी महावितरण, महापारेषण व महानिर्मिती कंपनीमधील सर्व अभियंत्यांनी नाइलाजासत्व संपावर जाण्याचा निर्णय घेतला आहे त्यातील प्रमुख मागण्या खालील प्रमाणे
१) महापारेषण कंपनीतील एकतर्फी लादलेल्या अभियंत्यांचा स्टाफ सेटअप बाबत पुर्ण विचार करणे – महापारेषणच्या प्रशासना तर्फे मागील चार वर्षापासून स्टाफ सेटअपच्या नावाखाली अभियंताची पदे कमी करण्याचा प्रयत्न चालू होता. संघटनेतर्फे सातत्याने जोरदार संघर्ष व आदोलन करून सदर स्टाफ सेटअप रोखून धरलेला होता व प्रशासन पातळीवर चर्चा करून संघटनेची योग्य बाजू मांडण्यात आली. एकीकडे चर्चा चालू असताना संघटनेला विश्वासात न घेता व कोणत्याही प्रकारे तांत्रिक बाबींचा विचार न करता अचानक अन्यायकारक पद्धतीने नव्याने स्टाफ सेटअप १५ जून २०२५ पासून लागू करण्यात आला त्याची कारवाई परिमंडळस्थरावर चालू करण्यात आली आहे. एकीकडे मोठया प्रमाणात असलेली रिक्त पदे व नव्याने लागू केलेला स्टाफ सेटअपमुळे महापारेषण कंपनीची प्रणाली बंद पडून ग्राहकसेवेवर विपरीत परीणाम होवू शकतो व कंपनीचे प्रचंड आर्थिक नुकसान होवू शकते. सदर स्टाफ सेटअपमुळे कंपनीच्या कामकाजावर विपरीत परिणाम होवून कंपनीतील जवळजवळ ५०७ उपकार्यकारी अभियंते त्याबरोबर १४० अतिरिक्त कार्यकारी अभियंत्याची पदे कमी होणार आहे. .त्यामुळे सध्या कामकरीत असलेल्या अभियंत्यावर भविष्यामध्ये पदोन्नतीबाबत गंभीर परीणाम होत असल्याने प्रचंड नाराजी आहे.
(२) महावितरण कंपनीतील आवश्यक रिक्त पदे ही संकल्पना रद्द करण्याबाबत महावितरणमधील आवश्यक रिक्त पदे ही संकल्पना मागील वर्षापासून बदली धोरणामध्ये राबवण्याचा निर्णय प्रशासनाने घेतला होता. याला प्रखर विरोध मागील वर्षी सर्व संघटनांनी केला होता त्यावेळी मा. मंत्री महोदय डॉ नितीन राऊत यांनी हस्तक्षेप करून सदरचे धोरण पुढील वर्षी लागू न करण्याबाबत आश्वासन दिले होते तथापी सदर धोरण हयाही वर्षी राबविण्याचा निर्णय महावितरण प्रशासनाने घेतला आहे. त्यामुळे ग्राहकसंवेवर विपरीत परीणाम होणार आहे व त्यामुळे कंपनीची प्रतिमा मलीन होऊ शकते. तसेच सदरील धारणामुळे कंपनीमध्ये काम करणारे महाष्ट्रातील अभियंत्याच्या वर्षानुवर्षे रखडलेल्या विनंती बदल्या सुदधा प्रलंबित राहणार आहेत. त्यामुळे अभियंत्यामध्ये प्रचंड नाराजी आहे.
३) तिन्ही कंपनीत प्रलंबित पदोन्नतीबाबत तिन्ही कंपनीमधील अभियंताचे पदोन्नती पॅनल गेले अनेक वर्षापासून शासनाच्या वेळोवेळी येणाऱ्या परीपत्रकानुसार तसेच कंपनीच्या नियमानुसार न झाल्यामुळे अनेक अभियंते पदोन्नतीपासून बचित राहीले आहेत. उदा. महापारेषण कंपनीमध्ये २०१५ पासून तसेच महावितरण व महानिर्मिती कंपनीमध्ये मागील दोन वर्षापासून कोणत्याही पदाची पदोन्नती झाली नाही. प्रशासनाच्या उदासीनतेमुळे पदोन्नती न झाल्याने अभियंत्यामध्ये असंतोष पसरलेले आहे.

Leave a Reply