🛑 स्वतंत्रदिनाचे औचित्य साधून म्हापण गावाच्या वतीने डॉ. दीपक ठाकूर यांचा कोरणा योद्धा म्हणून सत्कार..

August 15, 2021 Pratik Rane

🛑 म्हापण गावातील दहावी-बारावीच्या विद्यार्थ्यांचा सुद्धा गुणगौरव..

🛑 म्हापण ग्रामपंचायतच्या वतीने स्वातंत्र्याचा अमृत महोत्सव उत्साहात साजरा; सरपंच अभय ठाकूर यांनी केले ध्वजारोहन..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : समीर चव्हाण

🎴वेंगर्ले, दि-१५ :- भारताचा ७५ वा स्वातंत्र्यदिन म्हापण ग्रामपंचायतच्या वतीने उत्साहाने साजरा करण्यात आला. यावेळी म्हापण सरपंच अभय ठाकूर, उपस्थित मान्यवर व ग्रामस्थांनी पावसाला न जुमानता पावसात भिजत ध्वजारोहण केले. स्वातंत्र्याच्या अमृत महोत्सवाचे औचित्य साधून म्हापण गावच्या वतीने डॉक्टर श्री दीपक ठाकूर यांचा कोरोणाच्या कठीण काळात त्यांनी दिलेल्या अमूल्य योगदानाबद्दल त्यांचा कोरणा योद्धा म्हणून सरपंच श्री अभय ठाकूर यांच्या हस्ते सत्कार करण्यात आला. शाल, श्रीफळ, सन्मानचिन्ह व प्रशस्तीपत्र असे या सत्काराचे स्वरूप होते.

आपल्या भाषणात डॉ. असे म्हणाले की कोरोणाच्या कठीण काळातही मी रुग्णसेवा सुरू ठेवण्याचे एकमेव कारण म्हणजे माझ्या वडिलांनी मला सांगितले की आपल्या दवाखान्यात आलेला एकही रुग्ण उपचाराविना माघारी परतून जाता नये. त्यांच्या या शब्दांनीच मला कोरोणाच्या या कठीण काळात सुद्धा अविरहीत रुग्णसेवा करण्याची ताकद दिली. स्वामींच्या कृपेने मी माझे कार्य याच पद्धतीने पुढेही सुरू ठेवणार आहे.

त्याचप्रमाणे म्हापण ग्रामपंचायतच्या वतीने म्हापण गावातील दहावी बारावीच्या परीक्षेत उत्तीर्ण झालेल्या १५ विद्यार्थ्यांचा प्रशस्तीपत्र व गौरवचिन्ह देऊन सन्मान करण्यात आला.

यावेळी सरपंच अभय ठाकूर यांनी स्वातंत्र्यदिनाच्या शुभेच्छा देताना कोरोणा बद्दलही जनजागृती केली. कोरोणाचे प्रमाण जरी कमी झाले तरी कोरोणा अजून संपलेला नाही. त्यामुळे पुढे येणाऱ्या गणेश चतुर्थीच्या काळात सर्वांनी शासकीय नियमांचे पालन करून गणेश चतुर्थी साजरी करावी. तसेच सार्वजनिक ठिकाणी फिरताना बाजारपेठेत खरेदी करताना मास्कचा वापर करावा सोशल डिस्टंसिंग पाळावे व बाहेरून फिरून आल्यावर घरात जाताना सॅनिटायझर किंवा साबणाने हात स्वच्छ धुवावे असे आवाहन केले.

या ध्वजारोहण सोहळ्याला उपसरपंच श्री अशोक पाटकर पंचायत समिती सदस्या सौ गौरवी वडवळ, ग्रामसेवक श्री तुषार हळदणकर, म्हापण ग्रामपंचायत सदस्य, कर्मचारी, आजी-माजी पदाधिकारी व ग्रामस्थ उपस्थित होते.

Leave a Reply