🛑 चांदा ते बांदा’ योजनेअंतर्गत मंजूर झालेल्या कामात अनियमितता व भ्रष्टाचाराची चौकशी होऊन संबंधितांविरुद्ध कारवाई होत नसल्यानं उपविभागीय कार्यालयासमोर सावंतवाडीचे नगराध्यक्ष संजू परब यांचे उपोषण..

*🎥 कोकण लाईव्ह ब्रेकिंग न्यूज*

_अचूक बातमी थेट हल्ला_

*✍️ प्रतिनिधी : प्रथमेश गावडे*

*🎴सावंतवाडी, दि-१५ :-* चांदा ते बांदा’ योजनेअंतर्गत सन २०१७-१८ मधून मंजूरी देण्यात आलेल्या कामांमध्ये अनियमितता व भ्रष्टाचाराची चौकशी होऊन संबंधितांविरुद्ध कारवाई होत नसल्यानं स्वातंत्र्य दिनी उपविभागीय कार्यालयासमोर सावंतवाडीचे नगराध्यक्ष संजू परब यांनी या भ्रष्टाचारा विरोधात तसेच याला कारणीभूत ठरलेल्या माजी पालकमंत्री आ. दीपक केसरकर, प्रशासना विरोधात त्यांनी हे उपोषण छेडल आहे. याच दरम्यान, तहसीलदार राजाराम म्हात्रे यांनी नगराध्यक्ष संजू परब यांची भेट घेत उपोषण मागे घेण्याची विनंती केली.

यावेळी पर्यटन विकास महामंडळान दिलेल्या पत्रात, शिव उद्यानात बसविलेली खेळणी ही निकृष्ट दर्जाची असल्याच मान्य केल असून खेळणी बदलून देण्याचं आश्वासन दिल आहे. तर हेल्थ फार्ममधील अर्धवट काम देखील लवकरच पुर्ण करणार असल्याच आश्वासन एमटीडीसीनं दिले असल्याची माहिती नगराध्यक्ष संजू परब यांनी दिली. तर जोपर्यंत याबाबतच जिल्हाधिकारी यांच लेखी पत्र मिळत नाही तोवर उपोषण मागे घेणार नसल्याचं परब यांनी स्पष्ट केले.

यावेळी उपनगराध्यक्ष अन्नपूर्णा कोरगावकर, भाजप शहराध्यक्ष अजय गोंदावळे, आरोग्य सभापती सुधीर आडिवरेकर, नगरसेवक आनंद नेवगी, दिपाली भालेकर, दिलीप भालेकर, बंटी पुरोहित, सत्या बांदेकर, अमित परब, मोहिनी मडगावकर, समृद्धी विर्नोडकर, उत्कर्षा सासोलकर, राजू बेग, केतन आजगावकर, मनोज नाईक, विनोद सावंत, विशाल परब,आनंद शिरवलकर आदी उपस्थित होते.