🛑 रुग्णवाहिका मिळावी यासाठी प्रविण गवस यांचे सुरु असलेले उपोषण भाजपच्या आश्वासना नंतर मागे..

🛑 जुनी रुग्णवाहीका करण्यात आली निर्लिखीत ; तात्पुरती भाडे तत्वावर रुग्णवाहीका देवून करण्यात आली पर्यायी व्यवस्था..

🛑 १७ ऑगस्ट रोजी रुग्णवाहीका उपलब्ध होण्यासाठी जिल्हा परिषद अध्यक्षां सोबत बैठक..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रतिक राणे

🎴दोडामार्ग, दि-१३ :- साटेली – भेडशी प्रथमिक आरोग्य केंद्राला सुसज्ज अशी रुग्णवाहीका मिळावी यासाठी सरपंच सेवा संघटना जिल्हा संघटक प्रविण गवस यांनी काही दिवसांपूर्वी भर पावसात पं. स दोडामार्ग येथे उपोषण केले होते . त्या वेळी १५ दिवसात रुग्णवाहिका दिली जाईल असे आश्वासन शिवसेनेने दिले होते . त्यानंतर ते उपोषण मागे घेण्यात आले होत. मात्र त्यानंतर पंधरा दिवसांचा कालावधी उलटला तरी देखील रुग्णवाहीका मिळाली नाही. त्यामुळे प्रविण गवस यांनी काल दि-१२ ऑगस्ट रोजी प्राथमिक आरोग्य केंद्र साटेली – भेडेशी येथे आमरण उपोषणाला सुरुवात केली होती.

त्या उपोषणाला संध्याकाळी माजी जिल्हा परिषद उपाध्यक्ष एकनाथ नाडकर्णी व जिल्हा परीषद शिक्षण व आरोग्य सभापती डॉ.अनिशा दळवी यांनी भेट दिली.

जुनी रुग्णवाहीका निर्लीखित झाल्यामुळे ती तात्काळ जिल्हापरिषदेत जमा करावी अशा सुचना नाडकर्णी यांनी केल्या. व १७ ऑगस्ट रोजी नवीन सुसज्ज रुग्णवाही रुग्णवाहीका उपलब्ध होण्यासाठी जिल्हा परिषद अध्यक्ष यांच्याशी बैठक घेण्याची ग्वाही नाडकर्णी यांनी दिली आहे. व तात्पुरती भाडे तत्वावर रुग्णवाहीका देवून पर्यायी व्यवस्था करण्यात आली आहे.

आपण आपल्या आश्वासना नंतर उपोषण मागे घेतले आहे मात्र त्याची १७ ऑगस्ट रोजी पुर्तता न झाल्यास आपल्या विरोधात मी उपोषण करणार असल्याचे प्रविण गवस यांनी एकनाथ नाडकर्णी यांना सागितले.

यावर नाडकर्णी यांना पुनश्च उपोषणाचा इशारा दिला असता नाडकर्णी म्हणाले, पालकमंत्री, आमदार यांनी लेखी पत्राने आश्वासन देवून मागील उपोषण उठवले होते . पण यावेळी आपल्या शब्दावर आपण विश्वास ठेवून तुम्ही उपोषण मागे घेतले आहे. त्यामुळे दिलेला शब्द पाळून कोणत्याही परिस्थितीत रुग्णवाहीका मिळवून देण्याची ग्वाही नाडकर्णी यांनी दिली आहे.

यावेळी जिल्हा परिषद शिक्षण व आरोग्य सभापती डॉ. अनिशा दळवी, प.स. उपसभापती सुनंदा धर्णे, साटेली- भेडशी सरपंच लखू खरवत, भाजप तालुका अध्यक्ष प्रविण गवस , भाजपचे सुधिर दळवी, रमेश दळवी, गटविकास अधिकारी मिलिंद जाधव व साटेली-भेडशी ग्रामस्थ उपस्थित होते.