🛑 गांजा प्रकरणी पोलिसांचा तपास योग्य दिशेने ; नगराध्यक्ष संजू परब

_*🛑 गोवा लाठीचा प्रश्न येत्या आठ दिवसात सुटेल..*_

*🎥 कोकण लाईव्ह ब्रेकिंग न्यूज*

_अचूक बातमी थेट हल्ला_

*✍️ प्रतिनिधी : प्रथमेश गावडे*

*🎴सावंतवाडी, दि-०६:-* सिंधुदुर्गात सध्या गाजत असलेल्या गांजा प्रकरणाचा तपास पोलीस योग्य दिशेने करत आहेत व पोलिसांच्या तपासावर आपला विश्वास आहे आहे, त्यामुळे या प्रकरणात आपण हस्तक्षेप करणार नाही ,काही चुकीचे वाटेल त्यावेळी बोलेन अशी प्रतिक्रियासावंतवाडीचे नगराध्यक्ष संजू परब यांनी पत्रकारांनी विचारलेल्या प्रश्नावर बोलताना दिली.

सावंतवाडी सारख्या सुसंस्कृत शहरात अशा प्रकारच्या गोष्टी घडने भूषणावह नाही व या प्रकरणांमध्ये कॉलेज युवक अडकले आहेत, ही खेदाची बाब आहे, व हे गांजा प्रकरण गेले अनेक वर्ष सुरू आहे व सध्या पोलीस या प्रकरणाचा तपास योग्य दिशेने करीत आहे ,त्यामुळे आपण या प्रकरणात हस्तक्षेप करणार नाही असे परब यांनी स्पष्ट केले.

गोवा राज्यात सिंधुदूर्गातील लोकांना प्रवेश मिळावा हा प्रश्न न्याय प्रविष्ट आहे तरी देखील येत्या आठ दिवसात सकारात्म निर्णय घेवू असे आश्वासन गोव्याचे मुख्यमंत्री प्रमोद सावंत यांनी जिल्ह्यातील भाजपाच्या नेत्यांना दिले आहे. त्यामुळे लवकरच हा प्रश्न मिटणार आहे, अशी माहीती नगराध्यक्ष संजू परब यांनी दिली. दरम्यान गांजा प्रकरणात पोलिसांचा तपास योग्य दिशेने सुरू आहे. त्यामुळे मी नाहक राजकारणासाठी टिका करणार नाही, परंतू तशी वेळ आल्यास नक्कीच बोलेन. मात्र सद्यस्थितीत युवा पिढी अशा प्रकरणात बरबाद होत आहे. त्यामुळे याबाबत आता जनजागृती होणे गरजेचे आहे, असेही ते यावेळी म्हणाले. आज येथे आयोजित पत्रकार परिषदेत श्री परब बोलत होते.

यावेळी आरोग्य सभापती सुधीर आडिवरेकर, नगरसेवक आनंद नेवगी, नगरसेविका समृद्धी विर्नोडकर, दिपाली भालेकर, उत्कर्षा सासोलकर आदी उपस्थित होते.