शिरशिंगेतील १५ कुटुंबांना भगिरथ ग्राम विकास प्रतिष्ठान तर्फे जीवनावश्यक वस्तूंचे वाटप

शिरशिंगे मळईवाडी येथील पुल दोन आठवड्यापूर्वीच्या पुराच्या पाण्यामुळे अक्षरशः वाहून गेल्यामुळे या वाडीतील १५ कुटुंबांची गैरसोय झाली. याची माहीती झाराप येथील भगिरथ ग्राम विकास प्रतिष्ठानला मिळताच या सर्व कुटुंबाना जीवनावश्यक वस्तूंचे वितरण करण्यात आले. यावेळी भगिरथ ग्रामविकास प्रतिष्ठानचे अध्यक्ष डॉ प्रसाद देवधर यांचे मळईवाडीतील ग्रामस्थांनी आभार मानले.
यावेळी सावंतवाडी पंचायत समिती उपसभापती शितलराऊळ, माजी सभापती तथा पं.स. सदस्य रवी मडगावकर माजी जिल्हा परिषद सदस्य पंढरी राऊळ, शिरशिंगे उपसरपंच पांडुरंग राऊळ, माजी सरपंच नारायण राऊळ, व गीतांजली राऊळ, ग्रामपंचायत सदस्य संदिप राऊळ, सामाजिक कार्यकर्ते गणपत राणे, अमित राऊळ, वासुदेव राऊळ, सुरेश सावंत, अरुण राऊळ, ज्येष्ठ नागरिक गंगाराम राऊळ आदी ग्रामस्थ उपस्थित होते