🛑 पेट्रोल गॅस नंतर भाज्याचे दरही भडकले..

🛑 अतिवृष्टीने भाज्यांची आवक घटल्याने दर कडाडले..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : सुनील आचरेकर

🎴सिंधुदुर्ग, दि-०२ :- पेट्रोल गॅस दर वाढिनंतर आता भाज्यांनी शंभरी पार केली आहे. घरामधील पुराचे पाणी ओसरते तोपर्यंत भाज्यांच्या वाढलेल्या दराने डोळ्यात पाणी आणले आहे. मागील पंधरवड्यात महाराष्ट्रात अनेक ठिकाणी झालेली अतिवृष्टी आणि उद्भवलेल्या पूरस्थिती मुळे शेतमालाचे मोठे नुकसान झाले आहे. परिणामी जिल्ह्यात येणाऱ्या भाज्यांची आवक जवळपास बरीच घटली असून आवक घटल्याने बऱ्याच प्रमाणात भाज्यांच्या किमती दरवाढ झाली आहे. अतिवृष्टीमुळे स्थानिक भाज्यांचे नुकसान झाल्याने स्थानिक गावठी भाज्यांच्या किमतीत वाढ होण्याची शक्यता आहे .अतिवृष्टीमुळे कोकणासह पश्चिम महाराष्ट्रात ओढवलेल्या पूरस्थिती ने लोकांचे मोठ्या प्रमाणात नुकसान झाले घरासोबत अनेकांची शेती वाहून गेली सिंधुदुर्गात कोल्हापूर सांगली बेळगाव या भागातून मोठ्या प्रमाणात भाजीपाला येतो तसेच स्थानिक शेतात पिकलेली भाजीपाला येथील शेतकरी जिल्ह्यातील विविध बाजारपेठेमध्ये आणतात मात्र या सर्वच भागात झालेल्या अतिवृष्टीमुळे पावसाने जिल्ह्यात होणाऱ्या भाजी पुरवठा सध्या काही प्रमाणात घटला आहे. मागणीच्या तुलनेत पुरवठा कमी असल्याने दर वाढले आहेत .शिवाय हाताशी आलेले पिक नष्ट झाल्याने नवे पीक हाती येईपर्यंत आवक कमीच राहण्याची शक्यता आहे. महिन्याभरात यामुळे आणखी तुटवडा होण्याची आणि दर अधिक वाढतील असा अंदाज अनेक भाजी विक्रेत्यांनी व्यक्त केला आहे .येत्या काही दिवसात पावसाचे खरे परिणाम दिसतील तेव्हा आवक मोठ्या प्रमाणात घटेल आणि दरही वाढतील असे भाजीविक्री त्यांमधून सांगण्यात येत आहे. पावसामुळे निकृष्ट दर्जाचा आणि वाढल्याने किरकोळ व्यापाऱ्यांकडून चांगलं भाज्या खरेदी केल्या जातात यामुळे बाजारात भाज्यांच्या दरातही मोठी तफावत पाहायला मिळत आहे . पावसात भिजलेली भाजी कमी किमतीत विकली जात असेल तर चांगली भाजी मोठ्या दराने उपलब्ध असल्याचे दिसून आले आहे मागील महिन्याभरात पेट्रोलच्या दराने शंभरी ओलांडत सर्वसामान्यांचे कंबरडे मोडले आहे तर आता भाजीच्या दराने शंभरी पार केली आहे अतिवृष्टी नंतर सर्वच घरांमधील पाणी ओसरले आहे. मात्र आता भाज्यांच्या वाढलेल्या दराने अनेकांच्या डोळ्यात पाणी आणले आहे.