🛑 शिवसेनेच्या नेत्यांनी राजकारण म्हणून आडाळी एमआयडीसी कडे पाहू नये : जि.प.माजी उपाध्यक्ष एकनाथ नाडकर्णी

🛑 आडाळी एमआयडीसीसाठी येथील जमीनमालकांनी प्रकल्पला प्रामाणिकपणे सहकार्य केलंय.. त्यांच्या त्यागाचा अपमान करू नका

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : शंकर जाधव

🎴दोडामार्ग, दि-१५ :- नारायण राणेंनी सहा महिन्यात आडाळी एमआयडीसी मंजूर केली. शिवसेनेचे मंत्री सहा वर्षात गंजलेला साधा फलक बदलू शकले नाहीत. उद्योग आणण्याच्या पोकळ बाता मारणाऱ्या सत्ताधाऱ्यांमध्ये उद्योग आणण्याची धमक नाही, अशी टीका जिल्हा परिषदेचे माजी उपाध्यक्ष एकनाथ नाडकर्णी यांनी केली.

श्री. नाडकर्णी यांनी दिलेल्या पत्रकात म्हटले आहे की, आडाळी एमआयडीसी चा प्रस्ताव मी नारायण राणेंसमोर ठेवला. त्यांनी अवघ्या सहा महिन्यात त्यांनी एमआयडीसी मंजूर केली. तात्काळ जमीन हस्तांतरण सुरु केले. अवघ्या एका वर्षात 80 % हुन अधिक जमीन महामंडळकडे हस्तांतरित झाली. मात्र त्यानंतर सत्तान्तर झाले. त्यानंतर शिवसेनेच्या मंत्र्याच्या नाकर्तेपणाने तालुक्यातील जनतेचे अतोनात नुकसान झाले. आडाळीत उद्योजक यायला तयार आहेत. पण विकासाच्या बढाया मारणाऱ्या सत्ताधाऱ्याना प्रकल्पचा विकास करता आला नाही.  आमदार दीपक केसरकर नेहमीच काथ्या उद्योगांचा काथ्या कुटत असतात. मंत्रिपद असताना चष्मा कारखाना, आयटी प्रकल्प आदी घोषित केले. लोकसभा निवडणुकीच्या वेळी तर जणू उद्योगानाची उभारणी सुरु असल्याच्या थाटात प्रचार केला. पण गेल्या दोन वर्षात त्यांनी आडाळीकडे ढुंकूनही पाहिले नाही. आता नारायण राणेंना केंद्रात उद्योग खात्याचे मंत्रिपद मिळालं. त्यामुळे  शिवसेनेचे मंत्री धस्तावले आहेत. अवघ्या सहा महिन्यात ज्या नारायण राणेंनी प्रकल्प मंजूर केला, आत्ता तेच आडाळीत उद्योग आणतील. जनतेच्या हिताच काम फक्त राणेच करू शकतात. त्यांच्या मंत्रिपदमुळं शिवसेना नेत्यांच्या पायाखालची वाळू सरकायला लागली आहे.

जनहिताचा विचार करून गेल्या पाच वर्षात आडाळी कडे लक्ष दिला असता तर आज आडाळीत उद्योग आले असते. शेवटी येथे उद्योग येण्यासाठी ‘आयुष’ मंत्रालयाचा प्रकल्प यावा लागला. या प्रकल्पसाठी राज्य शासनाने आडाळीत जमीन दिली त्याबद्दल शासनाचे आभार. विकासाच्या पोकळ गप्पा आता तरी पुरे करा. राणे साहेबांशी विकासाची स्पर्धा करा. म्हणजे जनतेला निदान रोजगार तरी मिळेल.

शिवसेनेच्या नेत्यांनी राजकारण म्हणून आडाळी एमआयडीसी कडे पाहू नये. येथील जमीनमालकांनी प्रकल्पला प्रामाणिकपणे सहकार्य केलंय. त्यांच्या त्यागाचा अपमान करू नका. पक्षीय दृष्टिकोन बाजूला ठेऊन प्रकल्पला विकसित करा. असे जि.प.माजी उपाध्यक्ष एकनाथ नाडकर्णी यांनी म्हटले आहे.