🛑 उच्च न्यायालयात शासनाचे हमीपत्र महामार्गाचे संपूर्ण काम पूर्ण झाल्याशिवाय टोल वसुली नाही..

🛑 ॲड.ओवेस पेचकर यांच्या प्रयत्नांना यश..

🎥 कोकण लाईव्ह ब्रेकिंग न्यूज
अचूक बातमी थेट हल्ला

✍️ प्रतिनिधी : ओंकार रेळेकर

🎴चिपळूण, दि-१५ :- चिपळूणचे सुपुत्र मुबई उच्च न्यायालयातील नामवंत अँड.ओवेस पेचकर यांनी मुंबई उच्च न्यायालयांत दाखल केलेल्या याचिकेत म्हंटले होते की जोपर्यंत संपूर्ण महामार्गाची कामे पूर्ण होत नाही तोपर्यंत टोल वसूल करण्यात येऊ नये. त्यावर राज्य शासनाने उच्च न्यायालयांत हमीपत्रामार्फत अशी हमी दिली आहे की जोपर्यंत महामार्गाचे काम पूर्ण होत नाही आणि तोपर्यंत टोल वसूल करण्यात येणार नाही.अँड.पेचकर यांनी कोकणवासीयांच्या हितासाठी दिलेला लढा निर्णायक ठरला आहे.
उच्च न्यायालयांत अँड. ओवेस पेचकर यांचे मुंबई-गोवा महामार्गावर होणाऱ्या चौपदरीकरणाबाबत प्रलंबित जनहित याचिका दि.१ जुलै पार पडली. त्यात अँड. ओवेस पेचकर यांनी महामार्गावर पावसाच्यात पडलेले खड्डे. वाशिष्ठी नदीचा रखडलेला पूल व जुन्या पूलाची दुरवस्था हायकोर्टाच्या निदर्शनास आणून दिली, ही याचिकेवर
मा. मुख्य न्यायाधीश दीपांकर दत्ता आणि मा. न्यायाधिश गिरीश कुलकर्णी यांच्या खंडपिठात सुनावनी झाली. त्यावर निर्देश देण्यात आले पावसाळ्यात पडलले खड्डे भरून घ्यावेत तसेच वाशिष्ठी नदीच्या पुलावरून प्रवास करण्याकरिता
सुरक्षिततेची काळजी म्हणून हॅलोजन लाईट, सेपटी लाईट, रिफ्लेक्टर इंडीकेटर त्वरित लावून पूर्तता अहवाल दि. ३१ ऑगस्ट पूर्व उच्च न्यायालयांत सादर
करावा, असे आदेश दिले. अँड. ओवेस पेचकर यांनी चिपळूण शहराच्या लगत असलेल्या महामार्गाच्या सांडपाण्याच्या विषयावर कोर्टाच्या निदर्शनास आणून दिले की महामार्गाची उंची वाढल्यामुळे सांडपाणी वाहून जाण्याचा प्रश्न निर्माण झाला आहे. या पाण्यामुळे शहरात सांडपाण्याचा पूर येण्याची शक्यता निर्माण झाली आहे. त्यावर महाराष्ट्र राज्य शासनाचे
महाधिवक्ता आशुतोष कुंभकोणी यांच्याशी याचिका कत्यांनी चर्चा करून राज्य शासनाच्या निदर्शनास आणून द्या, असे निर्देश आशुतोष कुंभकोणी यांना उच्च न्यायालयाने दिला आहे.
अँड. ओवेस पेचकर यांचे उच्च न्यायालयांच्या याचिकेत केली होती की जोपर्यंत संपूर्ण महामार्गाचे कामे पूर्ण होत नाही तोपर्यंत टोल वसूल करण्यात येऊ नये. त्यावर राज्य शासनाने उच्च न्यायालयांत हमीपत्रामार्फत अशी हमी दिली आहे की जोपर्यंत महामार्गाचे काम पूर्ण होत नाही आणि तोपर्यंत टोल वसूल करण्यात येणार नाही.
गेली दहा वर्षे रखडलेल्या मुंबई-गोवा महामार्गाचे सुमारे ६० ते ६२ टक्के काम पूर्ण झाले आहे. इंदापूर ते झाराप (सिंधुदुर्ग दरम्यानचे ३५५ कि.मी.पैकी २०६
कि.मी.चे काम पूर्ण झाले असून या मार्गावर वाहतूक सुरळीत सुरु असल्याची माहिती सार्वजनिक बांधकाम विभागाने प्रतिज्ञापत्राद्वारे न्यायालयात सादर केली आहे. मुंबई – गोवा महामार्गाचे काम धिम्यागतीने सुरु
असून या खड्ड्यांमुळे रस्त्याची चाळण झाली असून वाहनचालकांना नाहक त्रासाला सामोरे जावे लागत आहे , असा आरोप करून चौपदरीकरणाचे काम वेगात करण्यात यावे, अशी मागणी करणारी जनहित याचिका अँड. ओवेस पेचकर यांनी उच्च न्यायालयात दाखल केली आहे. याचिकेची दखल घेऊन न्यायालयाने मागील सुनावणीवेळी राज्य सरकारला चांगलेच धारेवर धरत महामार्गाच्या कामाची वस्तुस्थिती, काम पूर्णत्वास नेण्याचा कालावधी आणि
कंत्राटदारांच्या नावांची यादीसह प्रतिज्ञापत्र सादर करण्याचे आदेश दिले होते. त्यानुसार बांधकाम विभागाचे एक्झ्यिक्युटिव्ह इंजिनिअर श्रीकांत बांगर यांनी प्रतिज्ञापत्र सादर केले.