🛑 पाच महिन्यापुर्वी दुरुस्ती केलेला डावा कालवा पुन्हा फुटण्याची शक्यता..

🛑 घाई गडबडित काम उरकुन पाटबांधारे विभागाने काय सिद्ध केले..

🎥 कोकण लाईव्ह ब्रेकिंग न्यूज
अचूक बातमी थेट हल्ला_

✍️ प्रतिनिधी : प्रतिक राणे

🎴दोडामार्ग, दि-०८ :- पाच महिन्यापुर्वी खानयाळे येथिल डावा कालवा फुटला होता. त्यावेळी आजुबाजच्या शेतजमिनीत कालव्याचे पाणी जावुन शेतकऱ्यांचे अतोनात नुकसान झाले होते.त्यावेळी पाटबांधारे विभागाने आपली यंत्रणा कामाला लावत फुटलेल्या कालव्याचे काम तात्काळ हाती घेत तो दुरुस्तही केला होता. मात्र त्यावेळी घाईत केलेले काम पुन्हा एकदा शेतकऱ्यांच्या जिवाशी येणार की काय अशी शंका उपस्थित होवु लागली आहे.
याचे कारण म्हणजे काम केलेल्या भागात तसेच त्याच कालव्याच्या पुढच्या भागात सिमेंटने क्रॉंक्रिटीरण केलेले काम फुटुन गेले आहे. कालव्याच्या पाण्याच्या प्रवाह देखिल जोरदार असतो. अश्या पाण्याच्या प्रवाहा मुळे कालवा कधी फुटेल ते सांगता येणार नाही.
पाच महिन्यांपूर्वी कालव्याच्या निष्क्रिय कामामुळे अचानक कलवा फुटला होता शेतकऱ्यांच्या सतर्कतेमुळे त्यावेळी कोणतिही जिवित हानी झाली नाही परंतु त्या वेळेस शेतकऱ्यांच्या शेतीचे मोठ्या प्रमाणात नुकसान झाले होते.
मात्र पुन्हा एकदा कालव्याचे पाणी बर्‍याच ठिकाणी लिकेज होतान दिसत आहे. तसेच कालव्याचे कॉंक्रेट देखिल पडत आहे. त्यामुळे घाईत केलेले काम पुन्हा एकदा शेतकऱ्यांच्या जिवाशी येणार की काय अशी शंका आता उपस्थित होऊ लागली आहे.