🛑 धबधब्याखाली मौज मजा करण्यासाठी पर्यटक होत आहे दाखल ; मत्र पर्यटन बंद असल्यामूळे पर्यटक निराश होऊन फिरतात मागे..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रथमेश गावडे

🎴सावंतवाडी, दि-२७ :- सिंधुदुर्ग जिल्ह्याला निसर्गाने भरभरून दिले आहे आणि पावसाळी हंगामात मध्ये निसर्गाच्या सान्निध्यात जाऊन मौज मजा करणारे पर्यटन देखील आहेत. मात्र कोरोनामुळे पर्यटना वर बंदी घालण्यात आली आहे. आता बंदी उठवून जिल्ह्यातील पर्यटन व्यवसाय सुरू व्हावा अशी मागणी देखील केली जात आहे. दरम्यान आंबोली चे धबधबे ओसंडून वाहत असून या धबधब्याखाली मौज मजा करण्यासाठी पर्यटक दाखल होत आहेत. मात्र बंदी मुळे त्यांना धबधब्याच्या पाण्याखाली मौजमजा करणे शक्य होत नाही.

सिंधुदुर्ग जिल्ह्याच्या पर्यटनाला निसर्ग सौंदर्य लाभले आहे या निसर्ग सौंदर्याची मजा आणि पावसाळी पर्यटनाचा जल्लोष साजरा करण्यासाठी दूरवरून पर्यटक सिंधुदुर्ग जिल्ह्यात येतात. मात्र सिंधुदुर्ग जिल्ह्यात मागील वर्षी आणि यंदाच्या हंगामात कोरोनाचा संसर्गामुळे पावसाळी पर्यटनाची क्षेत्रे बंद ठेवण्यात आली आहेत, ती अद्यापि खुली झालेली नाहीत .

आंबोली मधील धबधबे ओसंडून वाहत आहेत या धबधब्याखाली मौज मजा आणि जल्लोष करण्यासाठी गोवा, कर्नाटक आणि महाराष्ट्र राज्यातून मोठ्या प्रमाणात पर्यटक येतात. सध्या बंदी असली तरी देखील पर्यटकांची पावले आंबोलीच्या धबधब्याजवळ वळत आहेत. मात्र कोविडमुळे पर्यटन क्षेत्र बंद असल्यामुळे पोलिसांच्या बंदोबस्ताच्या आडकाठीमुळे पर्यटकांना जल्लोष करता येत नसल्याचे चित्र आहे.

दरम्यान आंबोलीच्या पर्यटन व्यवसायकाशी चर्चा झाली तेव्हा ते म्हणाले, पर्यटन व्यवसाय सुरू करावा मात्र आरटीसीपीआर किंवा रॅपिड टेस्ट असणाऱ्यांनाच ऑनलाईन बुकिंग करून आंबोली येथे मुक्काम करण्याची संधी दिली पाहिजे. पर्यटकांना आंबोली पर्यटनाचा लाभ घेता येईल अशा अटी घालून पर्यटन सुरू करावे आणि धबधब्याखाली जल्लोष करणाऱ्या पर्यटनाला कोरोना संसर्ग घटे पर्यंत परवानगी दिली जाऊ नये अशी भूमिका मांडली .

आंबोली मध्ये मोठ्या प्रमाणात रिसॉर्ट व हॉटेल आहेत या हॉटेलमध्ये पर्यटकांनी निवास करून आंबोलीचा पाऊस आणि थंड हवेच्या ठिकाणाचा निसर्गसौंदर्य न्याहाळता येईल अशा पर्यटनाला या काळात मान्यता द्यावी मात्र धबधब्याखाली हैदोस घालणाऱ्या पर्यटनाला तूर्त मान्यता दिली जाऊ नये असे काही लोकांचे म्हणणे आहे.यामुळे आंबोलीतील हॉटेल व्यवसाय आणि पर्यटनाच्या अर्थकारणाला चालना मिळेल असे आंबोलीतील एका हॉटेल व्यावसायिकाने बोलताना सांगितले.