🛑 सावंतवाडी शहराला पाणीपुरवठा करणारे पाळणेकोंड धरण पूर्ण क्षमतेने भरले..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रथमेश गावडे

🎴सावंतवाडी,दि-२७:- सावंतवाडी शहर आणि आजूबाजूच्या गावांना पाणीपुरवठा करणारे पाळणेकोंड धरण तसेच केसरीची पाणीपुरवठा योजना मधील तळी पूर्ण क्षमतेने भरली आहे.

सावंतवाडी शहराला पाणीपुरवठा करणारे पाळणेकोंड धरण पूर्ण क्षमतेने भरले आहे.पाण्याची पातळी वाढल्यामुळे सर्व दरवाजे उघडण्यात आले आहेत हे धरण काल पूर्ण क्षमतेने भरले, असे तेथील कर्मचाऱ्यांनी सांगितले.

दरम्यान जून महिन्यात पूर्ण क्षमतेने धरण्याचा प्रकार प्रथमच घडला आहे. यावर्षी १५ मे पासून पाऊस सुरू झाला. त्यामुळे हे धरण वेळेपुर्वी भरले आहे. यापूर्वी हे धरण भरण्यासाठी जुलै महिन्याची वाट पहावी लागत होती.

केसरी नळपाणी योजनेच्या योजनेची पाण्याची टाकी भरली असून झरे देखील पुर्ण क्षमतेने वाहत आहेत त्यामुळे पिण्याच्या पाण्याची गैरसोय येत्या डिसेंबर पर्यंत दूर होईल अशी शक्यता देखील व्यक्त केली जात आहे .

आमदार दिपक केसरकर यांच्या नेतृत्वाखाली माजी नगराध्यक्ष बबन साळगावकर व माजी पाणीपुरवठा सभापती खेमराज कुडतरकर यांनी या दोन्ही योजनांसाठी देखभाल दुरुस्ती केली होती तसेच विद्यमान नगराध्यक्ष संजू परब यांनीदेखील शहराला पाणीपुरवठा होणाऱ्या या दोन्ही योजनांची देखभाल दुरुस्ती करून काळजी घेतली आहे त्यामुळे शहराला उन्हाळ्यामध्ये पाणीपुरवठ्याची अडचण येणार नाही असे कर्मचाऱ्यांचे म्हणणे आहे