🛑 सावंतवाडी व दोडामार्ग तालुक्यातील शासकीय आधारभूत किंमतीत भात खरेदी केलेल्या शेतकऱ्यांना बोनस रक्कम मिळाली नाही ती मिळावी म्हणून प्रयत्न करण्याची मागणी..

🛑 सावंतवाडी तालुका खरेदी-विक्री संघाचे व्हा. चेअरमन अरुण गावडे यांनी केली पालकमंत्री उदय सामंत यांच्याकडे मागणी..

🎥 कोकण लाईव्ह ब्रेकिंग न्यूज
अचूक बातमी थेट हल्ला

✍️ प्रतिनिधी : प्रथमेश गावडे

🎴सावंतवाडी,दि.२६:- सावंतवाडी व दोडामार्ग तालुक्यातील शासकीय आधारभूत किंमतीत भात खरेदी केलेल्या शेतकऱ्यांना बोनस रक्कम मिळाली नाही ती मिळावी म्हणून प्रयत्न करण्याची मागणी सावंतवाडी तालुका खरेदी-विक्री संघाचे व्हा. चेअरमन अरुण गावडे यांनी पालकमंत्री उदय सामंत यांना निवेदनाद्वारे केली आहे.यावेळी खासदार विनायक राऊत उपस्थित होते .
सावंतवाडीच्या दौऱ्यावर पालकमंत्री उदय सामंत, खासदार विनायक राऊत, आमदार दीपक केसरकर आले असताना सावंतवाडी खरेदी-विक्री संघाचे व्हा. चेअरमन अरुण गावडे यांनी त्यांना निवेदन दिले यावेळी तालुकाप्रमुख रूपेश राऊळ उपस्थित होते .
शासकीय आधारभूत किंमतीत भात खरेदी २०२०-२१ मध्ये करण्यात आली त्या शेतकऱ्यांना बोनस मिळाला नाही म्हणून ही मागणी करण्यात आली आहे. सावंतवाडी आणि दोडामार्ग तालुक्यातील ८ केंद्रामार्फत १६९६ शेतकऱ्यांकडील १६६९३.६८ क्विंटल भात खरेदी करण्यात आली होती
या भात खरेदीसाठी आधारभूत किंमत क्विंटल मागे १८६८ रूपये होती, ती रक्कम शेतकऱ्यांच्या खात्यात जमा झाली आहे. मात्र शासनाने या आर्थिक वर्षात प्रति क्विंटल ७०० रुपये बोनस जाहीर केला होता तो मात्र शेतकऱ्यांना मिळालेला नाही असे गावडे यांनी म्हटले आहे .
दरवर्षी भात खरेदी बोनस रक्कम मार्चपर्यंत शेतकऱ्यांच्या खात्यात जमा करण्यात येते त्यामुळे शेतकऱ्यांना पुढील खरीप हंगामासाठी सदर पैशातून बी बियाणे व खते खरेदी करणे सोपे होते. यंदाच्या वर्षात बोनस रक्कम जमा झालेली नाही त्यामुळे सावंतवाडी व दोडामार्ग तालुक्यातील ८ केंद्रात भात खरेदी केलेल्या शेतकऱ्यांची प्रतीक्षा आहे.
या आठ केंद्रांमध्ये १६९६ शेतकऱ्यांकडून १६६९३.६८ क्विंटल भात खरेदी करण्यात आली त्यापोटी १ कोटी १६ लाख ८५ हजार ५५५ एवढी रक्कम शेतकऱ्यांच्या बॅंक खात्यात जमा करण्यासाठी पालकमंत्री नात्याने आपण प्रयत्न करावे अशी मागणी श्री अरुण गावडे यांनी केली आहे.