🛑 रेडा वाहून गेलेल्या ‘त्या’ शेतकऱ्याने घेतली शिवसेना नेते संदेश पारकर यांची भेट..

🛑 संदेश पारकर यांनी फोन द्वारे साधला पाटबंधारे विभागाच्या अधिकाऱ्यांशी संवाद..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : प्रतिक राणे

🎴दोडामार्ग, दि-२६ :- सोमवारी दि-२१ रोजी रात्री सव्वा सात वाजण्याच्या सुमारास तेरवण मेढे बंधाऱ्यातून अचानक तिलारी नदी पात्रात पाणी सोडल्याने घोटगे येथील काॅजवेवर पाणी वाढले, त्यामुळे शेत नांगरणी करुन रेड्यांना आवाडा येथे घेऊन जात असताना अचानक आलेल्या पाण्यामुळे दोन्ही रेडे खाली कोसळले यातील एक रेडा कसाबसा जखमी होऊन बाहेर पडला पण एक रेडा पाईप मध्ये अडकून मरण पावला त्यामुळे आवाडा येथील शेतकरी रमेश नाईक याचे लाखोंचे नुकसान झाले. आहे. या संदर्भात नाईक यांनी आज शिवसेना नेते संदेश पारकर यांची साटेली – भेडशी येथे भेट घेतली.

मृत्यु झालेला रेडा हा मुरा जातिचा होता त्याची बाजार भावाप्रमाणे २,००,००० रु किंमत होती. त्यामुळे या शेतकर्‍याचे मोठे नुकसान झाले आहे .

रमेश नाईक यांना वाहून गेलेल्या रेड्याची योग्य आर्थिक मदत मिळावी यासाठी शिवसेना नेते संदेश पारकर यांनी पाटबंधारे विभागाचे कार्यकारी अभियंता रोहित कोरे यांच्याशी फोन द्वारे संवाद साधला.