🛑 चिपळूण नगरपरिषद व अपरांत हॉस्पिटल यांच्या संयुक्त विद्यमाने करण्यात आलेल्या कोविड हॉस्पिटल चे रविवारी लोकार्पण

🛑 नगराध्यक्षांनी केली कोविड हॉस्पिटलची पहाणी..

*🎥 कोकण लाईव्ह ब्रेकिंग न्यूज*

_अचूक बातमी थेट हल्ला_

*✍️ प्रतिनिधी : ओंकार रेळेकर*

*🎴चिपळूण, दि-२५ :-* कोवीड च्या दुसऱ्या लाटेचा फटका पहिल्या लाटे पेक्षा अधिक प्रमाणात बसला. दुसऱ्या लाटेचे गांभीर्य लक्षात घेऊन , चिपळूण शहरात अद्ययावत कोवीड सेंटर उभे करण्यासाठी नगराध्यक्षा सौ. सुरेखा नितीन खेराडे यांनी अपरांत हॉस्पिटलचे डॉ. यतीन जाधव यांच्याशी चर्चा केली होती. नगरपरिषद प्रशासन च्या मार्गदर्शनाने व लोकप्रतिनिधी यांच्या सहकार्याने सदर हॉस्पिटल साठी चा ठराव एप्रिल महिन्याच्या सभेत मंजूर करण्यात आला. लगेचच क्रीडा संकुल येथे हॉस्पिटल साठीचे इन्फ्रा स्ट्रक्चर उभे करण्यासाठी नगरपरिषद व अपरांत हॉस्पिटल यांनी मेहनत घेतली.

चिपळूण नगरपरिषद व अपरांत हॉस्पिटल यांच्या संयुक्त विद्यमाने नगरपरिषदे समोर करण्यात आलेल्या कोविड हॉस्पिटल चे लोकार्पण उद्या करण्यात येईल.

या पार्श्वभूमीवर आज चिपळूण च्या नगराध्यक्षा सौ. सुरेखा नितीन खेराडे यांनी कोविड सेंटर ला भेट देऊन हॉस्पिटल ची पाहणी केली व माहिती घेतली.

सदर हॉस्पिटल मध्ये ५२ बेड ची व्यवस्था आहे. उपचार करण्यासाठी आय. सी. यू फिजिशियन , ई. एन. टी. स्पेशालिस्ट , फिजओथेरपिस्ट , सायकॉलॉजिस्ट , बालरोग तज्ञ या सर्व प्रकारच्या फील्ड मधील डॉक्टरांची टीम असणार आहे.यावेळी पहाणी करताना नगराध्यक्षांसोबत डॉ. यतीन जाधव , डॉ. रिळकर , डॉ. कुलकर्णी , डॉ. होन , डॉ. जबले , डॉ. देशमुख , डॉ. तेंडुलकर , डॉ. पालकर , नगरसेवक आशिष खातू आदी उपस्थित होते.