🛑 इन्सुली गावकर वाडी येथे पत्नी व पती यांचे एक दिवसाच्या फरकाने निधन..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : अंकुश नाईक

🎴सावंतवाडी,दि-२४ :- इन्सुली गावकरवाडी येथील सौ महानंदा महादेव गांवकर (वय ७९) यांचे राहत्या घरी रविवारी रात्री अल्पशा आजाराने निधन झाले.तर मंगळवारी पहाटे त्यांचे पती सेवा निवृत्त शिक्षक श्री महादेव विठ्ठल गांवकर (वय ८४) यांचे राहत्या घरी वृद्धापकाळाने निधन झाले.

पत्नीच्या निधनानंतर अवघ्या एका दिवसातच पती गुरूजी यांचे निधन झाल्याने गांवकर कुटुंबियांवर दुःखाचा डोंगर कोसळला आहे.

त्यांच्या पश्चात भाऊ, पुतणे, पुतण्या, सुना, नातवंडे, पतवंडे असा परिवार आहे. इन्सुली गावातील शैक्षणिक, सामाजिक, सांस्कृतिक व क्रीडा क्षेत्रातील जडणघडणीत त्यांचा मोठा वाटा आहे.कै.विठ्ठल -रुक्मिणी गांवकर सामाजिक संस्था भाईंदरचे ते संस्थापक अध्यक्ष आहेत.विद्या विकास मंडल इन्सुलीचे अनेक वर्षे खजिनदार म्हणून उत्तम कामगिरी केली.

या दरम्यान नूतन माध्यमिक विद्यालयात त्यांच्या संकल्पनेतून शैक्षणिक प्रगतीसाठी विविध कार्यक्रम राबविण्यात आले.इन्सुली गावातील क्रीडा, शैक्षणिक व सामाजिक क्षेत्रात काम उल्लेखनीय काम करणाऱ्यावर त्यांची नेहमी कौतुकाची नेहमी थाप असायची प्रत्येकाला त्याच्या यशाची व कामाची बक्षीसरुपी पोच पावती मिळावी म्हणून त्यांनी गेली अनेक वर्षे आपल्या संस्थेच्या माध्यमातून अखंड बक्षीस योजना राबविली.त्यामुळे त्यांची एक वेगळी ओळख निर्माण झाली.त्यांच्या निधनानंतर इन्सुलीतील शैक्षणिक, सांस्कृतिक, सामाजिक क्षेत्रात मोठी पोकळी निर्माण झाली आहे.