🛑 सावंतवाडीत साकारणार रणजी क्रिकेट दर्जाची खेळपट्टी ; नगराध्यक्ष संजू परब यांची माहिती..

🛑 स्थायी समिती बैठकीत निर्णय ; निविदा प्रक्रियाही पूर्ण..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : त्रिविक्रम सावंत

🎴सावंतवाडी,दि-२४ :- ऐतिहासिक सावंतवाडीत जिमखाना मैदानावर आता रणजी क्रिकेट दर्जाची खेळपट्टी साकारणार आहे. सावंतवाडी नगरपालिकेने नव्याने दर्जेदार खेळपट्टी बनवण्याच्या दृष्टीने पावले उचलली असून त्यासाठी मुंबई क्रिकेट असोसिएशनचे तज्ञ क्युरेटर नियुक्त करण्यात येणार असल्याची माहिती सावंतवाडी नगराध्यक्ष संजू परब यांनी दिली.

दरम्यान, या खेळपट्टीसाठी सुमारे १९ लाख रुपये खर्च अपेक्षित असून त्यासाठीची निविदा प्रक्रिया पूर्ण करण्यात आली आहे. आता लवकरच हे काम हाती घेण्यात येणार असल्याची माहितीही त्यांनी यावेळी दिली. बुधवारी झालेल्या स्थायी समितीच्या बैठकीत या खेळपट्टी बाबतचा निर्णय घेण्यात आला आहे. यावेळी आरोग्य व क्रीडा सभापती सुधीर आडिवरेकर, पाणीपुरवठा समिती सभापती नाईक, मुख्याधिकारी जयंत जावडेकर आदी उपस्थित होते.

सावंतवाडी जिमखाना मैदानाला मोठा इतिहास लाभला आहे. क्रिकेटचा देव म्हणून ओळखला जाणारा महान क्रिकेटपटू सचिन तेंडुलकर यांच्यासह भारतीय क्रिकेट संघातील अनेक दिग्गज खेळाडू या मैदानावर खेळले आहेत. आयपीएल संघाचा खेळाडू तसेच महाराष्ट्र रणजी संघाचा यष्टीरक्षक फलंदाज निखिल नाईक यासारखे अनेक खेळाडू या मैदानाने राज्याला व देशाला दिले आहेत.