🛑 परिचारिकेवर अत्याचार प्रकरणाचा छडा लावणाऱ्या पोलीस पथकाची अभिमानास्पद कामगिरी ; सैफ सुर्वे

June 24, 2021 Pratik Rane

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : ओंकार रेळेकर

🎴चिपळूण, दि-२४ :- परिचारिकेवर अत्याचार करणाऱ्या नराधमाला तात्काळ जेरबंद करून पीडित तरुणी ला न्याय मिळवून देण्याची चिपळूण पोलिसांची अभिमानास्पद कामगिरी आहे. अशी प्रतिक्रिया महाराष्ट्र पोलीस बॉईज संघटनेचे रत्नागिरी जिल्हाध्यक्ष सैफ सुर्वे यांनी बुधवारी पत्रकारांशी बोलतांना दिली.

पोलिस आणि त्यांच्या कुटुंबियांच्या न्याय हक्कासाठी संपूर्ण महाराष्ट्राभर लढा देणाऱ्या महाराष्ट्र पोलीस बॉईज संघटनेच्या पदाधिकाऱ्यांनी बुधवारी चिपळूण चे उपविभागीय पोलीस अधिकारी डॉ.सचिन बारी,पोलीस निरीक्षक देवेंद्र पोळ,पोलीस उपनिरिक्षक समद बेग यांची भेट घेऊन पुष्पगुच्छ देऊन अभिनंदन केले.आणि संबंधित आरोपी ला जास्तीत जास्त कठोर शिक्षा द्यावी अशी विनंती केली.शहरामध्ये एका परिचरिकेवर हल्ला करून तिच्यावर अतिप्रसंग करण्याचा प्रयत्न झाला होता. दोनच दिवसांत या गुन्ह्याचा तपास करून पोलिसांनी आरोपीला अटक केली. या कौतुकास्पद कामगिरीनंतर आज संघटनेच्या वतीने पोलीस अधिकारी आणि संपूर्ण पथकाचे अभिनंदन केले.

पोलीस बांधवांच्या न्याय हक्कासाठी महाराष्ट्र पोलीस बॉईज संघटनेच्या वतीने राज्यभर सुरू असलेल्या विविध उपक्रमा विषयी जिल्हाध्यक्ष सैफ सुर्वे यांनी डीवायएसपी डॉ.सचिन बारी यांना परिपूर्ण माहिती दिली तसेच येत्या काही दिवसात संघटनेच्या वतीने पोलीस भरती प्रशिक्षण शिबीर आयोजित करण्यात येणार आहे अशी माहिती दिली .महाराष्ट्र पोलीस बॉईज संघटनेचे काम खरोखरच कौतुकास्पद आहे.पुढे शक्य असेल तिथे आपण संघटनेला निश्चितपणे मार्गदर्शन आणि सहकार्य करू असे आश्वासन डॉ.सचिन बारी यांनी दिले.

महाराष्ट्र पोलीस बॉईज संघटनेने संपूर्ण महाराष्ट्र भर पुकारलेले आंदोलन आणि वारंवार केलेल्या पाठपुराव्याला अखेर मोठे यश आले.या मागणी नुसार महाराष्ट्र पोलीस बॉईज संघटनेचे अध्यक्ष राहुल दुबाले यांनी राज्याचे गृहमंत्री ना.दिलीप वळसे पाटील यांची प्रत्यक्ष नुकतीच भेट घेतली या भेटीत ना.वळसे-पाटील यांनी पोलीस भरती करण्याचे संबंधित खात्याला आदेश दिले. या अनुसगाने आमच्या संघटने मार्फत पोलीस भरती प्रशिक्षण सुरू करण्यात येणार आहे असे सैफ सुर्वे म्हणाले.या वेळी सैफ सुर्वे,जिल्हा युवक आघाडी अध्यक्ष अतिफ गोठे ,चिपळूण शहर काँग्रेस चे उपाध्यक्ष सरफराज घारे, नाझफ सुर्वे आदी उपस्थित होते.

Leave a Reply