🛑 जागतिक योग दिनानिमित्त वैभववाडी पोलीस ठाण्यात योग शिबीर सपन्न..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : संजय शेळके

🎴वैभववाडी, दि-२१ :- जागतिक योग दिनानिमित्त वैभववाडी पोलीस ठाण्यात योग शिबीर आयोजित करण्यात आले होते. योगशिक्षक प्रा.एस.एन पाटील यांनी पोलीसांना योगाचे धडे दिले. सकाळी ७.३० ते ८.३० या वेळेत हा कार्यक्रम संपन्न झाला.

‌याप्रसंगी प्राणायाम आणि आयुर्वेद परंपरा, योगगुरू रामदेवबाबा यांनी सांगितलेले प्राणायामाचे प्रकार, विविध आसने यांची माहिती दिली. तसेच वॉर्मअप, ओम जप, प्राणायामाचे आठ प्रकार, सूक्ष्म व्यायाम व विविध आसने, प्राणायाम योगा कोणी करावा, कधी करावा, कोठे करावा तसेच त्यांचे फायदे याबाबत सविस्तर माहितीसह प्रात्यक्षिके सादर केली. आपल्या बदललेल्या जीवनशैलीमुळे निर्माण झालेले छोटे मोठे आजार आणि कोरोना महामारीच्या काळात योग आणि प्राणायामाचे महत्त्व अधोरेखित झाले आहे.

दिवसातील चोवीस तासांपैकी एक तास आरोग्यासाठी दिल्यास रोगमुक्त जीवन जगता येईल असे पतंजली योग समिती वैभववाडीचे सदस्य तथा योग शिक्षक प्रा. एस. एन.पाटील यांनी सांगितले. पोलीस निरीक्षक अतुल जाधव यांनी सर्वांनी नियमित योगा करावा आणि आपले आरोग्य उत्तम राखावे असे आवाहन केले. या योग प्राणायाम कार्यक्रमात वैभववाडी पोलीस निरीक्षक अतुल जाधव व बहुसंख्य पोलीस कर्मचारी सहभागी झाले होते.