🛑 सिंधुदुर्ग जिल्हा स्थापत्य सुशिक्षित बेरोजगार अभियंता संघटनेच्या वतीने अतिरिक्त मुख्य कार्यकारी अधिकारी यांच्याकडे निवेदनाद्वारे मागण्या..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : शुभम वैद्य

🎴सिंधुदुर्ग, दि-२१ :- आज सिंधुदुर्ग जिल्हा स्थापत्य सुशिक्षित बेरोजगार अभियंता संघटनेच्या वतीने राज्याच्या ग्रामविकास विभागाने दि २४/०५/२०२१ रोजी कामवाटप संदर्भात नव्याने प्रसिद्ध केलेल्या शासन निर्णयाची लवकर अंमलबजावणी करण्याबाबत जिल्ह्याचे अतिरिक्त मुख्य कार्यकारी अधिकारी मा. काफडणीस साहेब यांना निवेदन देण्यात आले.

या निवेदनद्वारे १०लक्ष किंमतीच्या आतील कामे लॉटरी पद्धतीने ३३:३३:३४ गुणोत्तराप्रमाणे समान वाटप व्हावे. तसेच आपण चुकीच्या पद्धतीने आर्थिक क्षमता, ताळेबंद दाखला आयकर प्रमाणपत्र, जी.एस.टी भरणा करत असल्याबाबतचे दाखले व इतर महत्वाचे कागदपत्र असल्याशिवाय ग्रामपंचायतला कामे देण्यात येऊ नये. विहित मुदतीत ठेकेदाराच्या देयाकामधून वजा करण्यात आलेली जी.एस.टी व आयकर याची रक्कम अनेक ग्रामपंचायत भरणा करत नसल्याबाबत निदर्शनास आलेले आहे त्यामुळे ठेकेदारांचे नुकसान होत आहे त्यामुळे योग्य कार्यवाही करावी असे नमूद करण्यात आले. यावेळी संघटनेचे राज्य उपाध्यक्ष मा. उदयजी पाटील,जिल्हाध्यक्ष सागर भोगटे, उपाध्यक्ष हर्षवर्धन कदम सचिव संजय चोडणकर, व्यंकटेश सावंत , कुडाळ तालूकाध्यक्ष ओंकार वाळके, संदेश म्हाडेश्वर, प्रसाद पाटकर वेंगुर्ला उपाध्यक्ष बाळकृष्ण परुळेकर व इतर पदाधिकारी उपस्थित होते.