🛑 वनरक्षक शिंदे,सुर्वे यांच्या तत्परतेमुळे मोठा अनर्थ टळला मानवी वस्तीत शिरलेल्या मगरीला बंदीस्त करून सोडले नैसर्गिक अधिवासात

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : ओंकार रेळेकर

🎴चिपळूण, दि-२१ :- चिपळूण वनविभागाचे कोळकेवाडी वनरक्षक राजाराम शिंदे,रामपूर वनरक्षक दत्ताराम सुर्वे यांच्या तत्परतेमुळे शहरातील देसाई मोहल्ला येथील मोठा अनर्थ टळला भर वस्तीत महाकाय मगर घुसल्यामुळे भयभीत झालेल्या नागरिकांच्या हाकेला दाद देत या मगरीला बंदीस्त करीत वनकर्मचारी शिंदे,सुर्वे यांनी नेसर्गिक अधिवासात सोडले.

चिपळूण शहर आणि आजूबाजूचा परिसर येथील नदीलगत राहणाऱ्या नागरिकांना वनविभाग चिपळूण यांच्या वतीने सावधानतेचा इशारा देण्यात येत आहे. सध्या पावसाचे प्रमाण वाढले असल्यामुळे सर्वत्र नदीला पूर आला आहे.पुरचे पाणी शेतात आणि जवळच्या वस्तीत शिरले आहे अशा वेळी नदीतील लहान मोठ्या मगरी मानवी वस्तीत शिरत आहेत,नागरिकांनी रात्री अपरात्री अनावश्यक कामासाठी बाहेर पडू नये,काळोखात पाण्यातून जाऊ नये, मासे पकडण्यासाठी गटारे.कालवे मध्ये उतरू नये असे आवाहन करण्यात येत आहे.शनिवारी सकाळी ७ वा चिपळूण शहरातील देसाई मोहल्ला येथे भर वस्तीत मगर आढळून आली रेल्वेस्टेशन कडे जाणाऱ्या मार्गाकड़े गटारामधून. मार्ग काढत मगर पुढे चालली होती या मार्गातून लहान मुले,पादचारी सायकलस्वार सतत ये जा करीत असतात या मगरीला वन विभागाच्या पथकाने सुरक्षित रित्या पकडून अधिवासात सोडले आहे. या प्रकाराने या वस्तीमध्ये भितीचे वातावरण पसरले असून वनविभागाचे कोळकेवाडी वनरक्षक राजाराम शिंदे,रामपूर वनरक्षक दत्ताराम सुर्वे यांनी वेळेतच पोहचून मगरीला बंदीस्त करून वाशिष्ठी नदी पाण्यात सोडले.