🛑 सावंतवाडी तालुक्यातील कोरोना रुग्णांच्या संख्येत मागील तीन दिवसांत कमालीची घट..

🛑 रविवारी केवळ २८ नव्या रुग्णांची नोंद ..

🎥 कोकण लाईव्ह ब्रेकिंग न्यूज

अचूक बातमी थेट हल्ला

 ✍️ प्रतिनिधी : प्रथमेश गावडे

🎴सावंतवाडी, दि-२० :- सावंतवाडी तालुक्यातील कोरोना रुग्णांच्या संख्येत मागील तीन दिवसांत कमालीची घट झालेली पहायला मिळत असून रविवारी केवळ २८ नव्या रुग्णांची नोंद झाली. सावंतवाडी शहरात १० नवे रुग्ण आढळले असून ग्रामीण भागात केवळ १८ नवे रुग्ण आढळले आहेत. मृतांचा आकडाही १३३ वर स्थिर आहे.

दरम्यान, रविवारी प्राप्त अहवालानुसार सावंतवाडी तालुक्यात एकूण २८ नवे रुग्ण सापडले असून यातील शहरात सापडलेल्या १० रुग्णांमध्ये सर्वाधिक भटवाडी ४, खासकीलवाडा ३, तर उभाबाजार, गरड व बाहेरचावाडा येथील प्रत्येकी एका रुग्णाचा समावेश आहे.

तर ग्रामीण भागात सापडलेल्या १८ रुग्णांमध्ये सर्वाधिक बांदा ७, इन्सुली ४, माजगांव व वेत्ये प्रत्येकी २ तर दाणोली, कोलगांव व निरवडे येथील प्रत्येकी एका रुग्णाचा समावेश आहे.

दरम्यान, सावंतवाडी तालुक्यातील आतापर्यंतची संख्या ४ हजार ९०१ इतकी झाली आहे. सद्यस्थितीत ४७५ रुग्ण सक्रिय असून आतापर्यंत ४२७२ रुग्ण बरे होऊन घरी परतले आहेत. तर तालुक्यातील एकूण कोरोना बळींची संख्या १३३ वर स्थिर आहे. याबाबतची माहिती तालुका आरोग्य अधिकारी डॉ. वर्षा शिरोडकर यांनी दिली आहे..