🛑 कोलझर येथे वादळी पावसामुळे ईश्वटेश्वर देवस्थानचे छत कोसळून लाखोंचे नुकसान..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : शंकर जाधव

🎴दोडामार्ग, दि-१८ :- दोडामार्ग तालुक्यात झालेल्या मुसळधार पावसामुळे अनेक गावांतील जनजीवन विस्कळित झाले.अनेक गावातील ग्रामस्थांचा संपर्क तुटला. वाहने अडकून पडली असताना कोलझर टेंबवाडी येथील जागृत देवस्थान म्हणून ओळखले जाणारे ईश्वटेश्वर देवस्थान येथील छतावर बाजूला असलेले आंब्यांचे झाड छतावर पडून छत मोडून पडले त्यामुळे लाखो रुपयांचे नुकसान झाले आहे. सुदैवाने यावेळी कुणी ग्रामस्थ दिवाबत्ती लावायला गेले नसल्याने जिवित हानी टळली. कोलझर गावात बुधवारी सायंकाळी रोजी मुसळधार वादळी पावसाने झोडपून काढले. यावेळी आंब्याचे झाड देवस्थान शेडच्या वर पडल्याने संपुर्ण छत कोसळून जमीनदोस्त झाले, त्यामुळे अडीच ते तीन लाखांचे नुकसान झाले आहे.

कोलझर ईश्वटेश्वर देवस्थान येथे संध्याकाळी वाडीतील ग्रामस्थ महिला दिवाबत्ती लावायला येतात पण गेल्या. काही दिवसांपासून गावात सुतक आहे, त्यामुळे कुणी येथे दिवाबत्ती लावायला आले नाही, त्यामुळे जिवीत हानी टळली. महसूल विभागाने तातडीने पंचनामा करून शासकीय पातळीवर छत दूरुस्ती करीता नुकसान भरपाई द्यावी, अशी मागणी केली आहे. पहिल्या पावसाळ्यात हे नुकसान झाले आहे.