🛑 अवैध दारू वाहतूक प्रकरणी सिंधुदुर्गातील तपासणी नाक्यावरील कर्मचाऱ्याला व संबंधित पोलिस ठाण्याच्या निरीक्षकाला जबाबदार धरून निलंबित करावे..

🛑 कर्तव्य दक्ष प्रामाणिक पोलीस अधीक्षक राजेंद्र दाभाडे यांनी कठोर पावले उचलावीत..

🛑 तपासणी नाकी हे जर पैसा कमविण्याचे साधन असेल तर अशी नाकी हवितच कशाला..

🛑 हप्ते खाणे वृत्ती बंद करायची असेल तर अशा अधिकाऱ्यांवर कठोर कारवाईची आवश्यकता

🎥कोकण लाईव्ह ब्रेकिंग

   अचूक बातमी थेट हल्ला

✍️ संपादकीय:- सीताराम गावडे

🎴सावंतवाडी,दि-१७ :- सर्वप्रथम मी सुरुवातीलाच राज्य उत्पादन शुल्क कोल्हापूर विभागाच्या भरारी पथकाचे अभिनंदन करतो, गेली दोन वर्ष कोकण लाईव्ह ब्रेकिंग न्यूज चॅनेल गोव्याहून सिंधुदुर्गात व महाराष्ट्राच्या इतरत्र जिल्ह्यात पुरवठा होणाऱ्या अवैद्य दारू विरुद्ध मोहीम उघडली होती, या मोहिमेनंतर अस्तित्वात आहे की नाही अशी शंका असणारे राज्य उत्पादन शुल्क विभाग खडबडून जागे झाले, राज्याचे कर्तव्यदक्ष राज्य उत्पादन शुल्क आयुक्त कांतीलाल उमाप यांनी प्रत्येक जिल्ह्याच्या अधीक्षकांना सक्त आदेश काढत कारवाईची धडक मोहीम राबवली, गेल्या दोन वर्षात सिंधुदुर्ग जिल्ह्यात सुमारे दहा कोटी रुपयांची अवैध दारू पकडली गेली, हे कोकण लाईव्ह ब्रेकिंग न्यूज चॅनलचे व जागृत नागरिकांचे यश आहे असे मी मानतो, मात्र सिंधुदुर्गातून इतर जिल्ह्यात गोवा बनावटीची अवैध दारू जात असताना बांधण्याचे तपासणी नाके करते तरी काय? असा प्रश्न पडला आहे, ज्या दिवशी सिंधुदुर्गाच्या इतरत्र भागात किंवा महाराष्ट्र राज्याच्या इतरत्र जिल्ह्यात गोव्याहून जाणारी दारू पकडली जाईल त्यादिवशी तपासणी नाक्यावर ड्युटी बजावणाऱ्या पोलीस कर्मचाऱ्यांना ठाण्याच्या पोलिस निरीक्षकांना कारणे दाखवा नोटीस बजावून निलंबित केले असते तर अवैध वाहतूक कधीच बंद झाली असती.

मोठमोठे हप्ते घ्यायचे व चिडीचूप पडून राहायचे व शासनाचा पगार खायचा ही नीती आता पोलीस अधिकाऱ्यांनी बदलायला हवी,बांदा पोलीस ठाण्याचे पोलीस निरीक्षक यांनी या अवैध दारू धंद्या बाबत जागरुकता दाखवायला हवी ते दाखवली नाही या मागचे कारण काय याचा शोध निश्चितच कोकण लाईव्ह ब्रेकिंग न्यूज चॅनल च्या मार्फत घेतला जाईल, मात्र अशा प्रकारचे अवैद्य दारू ने भरलेल्या महागड्या गाड्या जेव्हा तपासणी नाक्यावरून सहिसलामत बाहेर पडतात आणि ते अन्यत्र पकडले जातात यावरूनच या तपासणी नाक्याचे गोड बंगाल समोर येते, ही तपासणी नाकी पैसे खाण्याचा अड्डा आहेत तर अशी नाकी हवीतच कशाला? ती जनतेच्या काय कामाची? तेच कर्मचारी पोलिस ठाण्यात घेऊन सक्षम पणे काम तरी करता येईल,तपासणी नाक्यावर बसून बसून हप्ते घेऊन गब्बर झालेल्या पोलिसांची चौकशी होणे गरजेचे आहे,असे आमचे मत ठाम मत आहे.

सिंधुदुर्ग जिल्ह्याचे कर्तव्यदक्ष आणि प्रामाणिक पोलीस अधीक्षक राजेंद्र दाभाडे यांचा कारभार अतिशय स्वच्छ व स्पष्ट आहे, याबद्दल दुमत नाही, मात्र अशा घटना घडल्या की कुटुंबप्रमुख म्हणून त्यांच्याकडेही बोट दाखविले जाते सरसकट सगळेच अधिकारी भ्रष्टाचारी आहेत ,या मताचा मी नाही,मात्र काही हाताच्या बोटावर मोजण्याएवढे अधिकारी आपली सेवा प्रामाणिकपणे बजावत असतीलही मात्र अशा काही अधिकाऱ्यांमुळे संपूर्ण यंत्रणाच बदनाम होत चालले आहे त्याला लगाम घालण्याची कुटुंब प्रमुख म्हणून पोलिस अधीक्षक यांचे काम आहे असे आमचे मत आहे.

दिवसाकाठी लाखो रुपयाची दारू गोव्याहून सिंधुदुर्गात येते मग पोलिस यंत्रणा ,राज्य उत्पादन शुल्क यांची यंत्रणा, करते तरी काय?असा प्रश्न निर्माण होतो, गावागावात वाढलेले दारूचे अड्डे दारूची विक्री,यावर पोलिसांचा वचक नाही का?संबंधित गावचा बीट अंमलदार करतो तरी काय?त्याला ती बीट सांभाळायला का म्हणून दिली? त्याचे कर्तव्य तो प्रामाणिकपणे पार पाडतो का याचा मागोवा संबंधित पोलिस ठाण्याच्या पोलिस निरीक्षकांनी घ्यायचा असतो तो घेतला जातो का हा एक संशोधनाचा विषय आहे, मग तो घेतला जात नसेल तर हे सर्व पोलीस निरीक्षकांच्या मर्जीने चालते का हा प्रश्न पडतो, आज नवीन तरुण पिढी या अवैध धंद्यांमध्ये गुंतली आहे,त्यांचे आयुष्य बरबाद झाले आहे,कॉलेजातील नवीन युवक आपल्या दुचाकीने पन्नास रुपयाचा पेट्रोल मध्ये जाऊन पाच हजाराची अवैध दारू घेऊन सिंधुदुर्गात येत आहेत यावर आम्ही वारंवार लिखान केले आहे, आज पर्यंत किती दुचाकीवर अशा प्रकारची कारवाई झाली याचा हिशोब पोलिसांनी व राज्य उत्पादन शुल्क अधिकारी द्यावा.

आपण प्रत्येक वेळी बातम्या वाचत असतो गोव्यातून आलेली अवैद्य दारू वाहतूकीची गाडी चिपळूण येथे पकडली कोल्हापूर येथे पकडली, पुणे येथे पकडली ,मग सिंधुदुर्ग सोडायच्या अगोदर पोलिसांची जीप तपासणी नाकी लागतात ती तपासणी नाकी नक्की करतात काय,? त्यांचे हात ओले झाले तर नाही ना? असा प्रश्न विचारला तर तो काळजाला हात घातल्यास का वाटतो,जर तुम्ही प्रामाणिक असाल तर अशा अवैद्य भरलेल्या गाड्या सिंधुदुर्गातून बाहेर जातातच कशा याचे उत्तर तुम्हाला द्यावे लागेल.

प्रामाणिकपणे काम करणारा युवक आज देशोधडीला लागत चाललाय, अवैध मार्गाने पैसा मिळवणारे दारु तस्कर आज गब्बर झाले आहेत हे कुठेतरी थांबले पाहिजे यासाठच आम्ही हा हा लढा उभारला आहे.

१५ जून रोजी हातकणंगले कोल्हापूर येथील किनी टोल नाक्यावर दारू प्रकरणातील आरोपी प्रदीप अर्जुन पाटील हा कोल्हापूर येथे येत असल्याची खबर राज्य उत्पादन शुल्क यांच्या पथकाला मिळाली त्यांनी सापळा रचून प्रदीप पाटील सह त्याचा भाऊ प्रकाश पाटील,व इतर चार जणांना हुंडाई हुंडाई कंपनी च्या क्रेटा गाडी सह दारूच्या मुद्देमालासह अटक केली, प्रदीप पाटील राज्य उत्पादन शुल्क विभागाच्या दृष्टीने फरार आरोपी असला तरी त्याचा वावर सिंधुदुर्गात सुरू होता ,जे कोल्हापूर हातकणंगले येथील राज्य उत्पादन शुल्काच्या अधिकाऱ्यांना व पोलिसांना जमले तेे सिंधुदुर्गातल्या राज्य उत्पादन शुल्क अधिकार्‍यांना व पोलिसांना का जमले नाही किंवा सदर ची क्रेटा गाडी बांदा तपासणी नाक्यावरून पोलिसांच्या नजरेतून सुटली कशी? यामागचे गौडबंगाल काय?हे दारू तस्कर असा किती मोठा हप्ता पोलीसांना देतात की पोलीस सेवेत रुजू होण्याच्या अगोदर घेतली शपथ. हे पोलिस विसरतात?अशा पोलिसांना तात्काळ निलंबित करून त्यांची खातेनिहाय चौकशी करावी अशी आमची मागणी आहे ज्यावेळी अशा प्रकरणांमध्ये पोलिस व संबंधित अधिकारी निलंबित होतील तेव्हाच गोव्याहून येणारी अवैध दारू सिंधुदुर्गात येण्याचे बंद होईल, अन्यथा हे असेच सुरू राहील, यासाठी सामूहिक उठाव होणे गरजेचे आहे व तो सिँधुदुर्गातील जनतेने करावा अशी माझी विनंती आहे.

 

*🔐लाँकडाऊन आहे… 🎂वाढदिवस साजरा करायचा आहे काळजी करु नका घरपोच केक उपलब्ध होईल चिंता कसली…..🎂*

 

सावंतवाडी मध्ये आपल्या हक्काचे *😍हाऊस आँफ केक😍*

 

*▪️ब्लॅक फॉरेस्ट*

*▪️व्हाईट फॉरेस्ट*

*▪️पायनॅपल*

*▪️बटरस्कॉच*

*▪️मॅंगो*

*▪️स्ट्रॉबेरी*

*▪️ब्लॅक करंट*

*▪️चॉकलेट क्रीम*

*▪️रसमलाई*

*▪️फोटो केक*

*▪️स्पेशल थीम केक*

*▪️पिनाटा केक*

 

_🎊अगदी माफक दरात केक खरेदी करा आणि आपल्या हिंतचिंतकाचे वाढदिवस साजरे करा🎊_

*संपर्क:-* *सुरज लाड*

बिरोडकर टेंब सावंतवाडी

7307367856/7385501506

 

*🎴कोकण लाईव्ह फेसबुक पेज👇🏻*

https://www.facebook.com/kokanlivebreaking/

 

*🎴कोकण लाईव्ह युटयूब चॅनल👇🏻*

https://www.youtube.com/channel/UC4OBZsXZuVI8r7ezVUUeOJg

 

*🎴कोकण लाईव्ह व्हॉट्सॲप ग्रुप👇🏻*

https://chat.whatsapp.com/G4Eze9woWlw7ngXJwQ6iTo

 

*🎴कोकण लाईव्ह वेबसाईट👇🏻*

Home

 

*🎴कोकण लाईव्ह इंस्टाग्राम👇🏻*

https://www.instagram.com/kokanlivebreaking/

 

*🎴कोकण लाईव्ह टेलिग्राम👇🏻*

https://t.me/kokanlive

 

*🎴कोकण लाईव्ह ट्विटर👇🏻*

Tweets by LiveKokan

 

*🖥️ कोकण लाईव्ह ब्रेकिंग*

*अचूक बातमी थेट हल्ला*