🛑 कोनशी येथे कोरोना लसीकरणाला ग्रामस्थांचा उत्तम प्रतिसाद..

🎥 कोकण लाईव्ह ब्रेकिंग न्यूज
अचूक बातमी थेट हल्ला

✍️ प्रतिनिधी:शैलेश गवस

🎴बांदा, दि-१५ :- कोनशी येथे कोरोना लसीकरणाला उत्तम प्रतिसाद.कोनशी दाभिल ग्रुप ग्रामपंचायत चे सरपंच श्री सुभाष सावंत , उपसरपंच श्री विनायक कोरगावकर आणि पुर्ण ग्रा पं सदस्य यांच्या परिश्रमाने हे शक्य झाले.गावातील घरोघरी फिरून लाभार्थींची नाववार यादी आरोग्य अधिकाऱ्यांना देउन आठ दिवस सतत पाठपुरावा केल्याने हे शक्य झाले.त्याचप्रमाणे लसीकरणाच्या दिवशी घरोघरी फिरून लोकांना लसीकरण केंद्रावर घेउन येणे पोहोचवणे वगैरे दृश्य मतदानाची आठवण करून देत होती.दाभिलचे गावकरी तर 4किमी पायपीट करत अखंड डोंगर पालथा घालून बहुसंख्येने आले.
अडचणी अनेक आल्या.प्रथम वीज गेली.त्यामुळे वायफाय नेट बंद.एक वेळ तर हा कार्यक्रम रहित होईल की काय अशी शक्यता निर्माण झाली.पण श्री प्रशांत दळवी विलवडे यांनी जनरेटर उपल्ब्ध करून दिला.तो असणिये एक्सचेजला नेऊन वायफाय चालू करुन घेतले.तांबुळीतील मोडलेल्या झाडांची साफसफाई करुन वीज पुरवठा चालू करुन अखेरीला 11/45ला लसीकरण सुरु झाले.143लाभार्थींपैकी 116 लसीकरण म्हणजेच 80%लसीकरण पुर्ण करून कोरोनामुक्तीकडे एक पाऊल पुढे टाकले आहे.या कामी तळकट आरोग्य केंद्राचे वैद्यकीय अधिकारी डॉ श्री तुषार जी चिपळुकर, त्यांचे सहकारी तसेच सिस्टर सौ पालव यांनी विशेष प्रयत्न केले.स्थानिक भाजप समितीचे श्री कृष्णा जयराम गवस ,श्री उदय राणे कोनसकर,ग्रा पं सदस्या सौ नाईक ,कु
गवस ,श्री सुरज गवस श्री संदीप कोनस्कर यांचे सहकार्य लाभले.तसेच सर्वांनाच अल्पोपहार चहापान देण्यासाठी श्री सुभाष सावंत ,शंकर नाईक ,मंदार सावंत वगैरेनी व्यवस्था सांभाळली.कोणतीही गट बाजी,पक्ष भेद न ठेवता केलेले हे कार्य आदर्शवत असेच आहे..या सर्व कामी भाजप पंचायत समिती सदस्य श्री संदीपजी गावडे यांचे उपयुक्त सहाय्य आणि मार्गदर्शन लाभले.