🛑 सिंधुदुर्ग जिल्ह्यासाठी तातडीने जादा 8 EMS म्हणजेच 108 गाड्यांची गरज पूर्ण करण्याची राज्य सरकार व जिल्हा प्रशासनाची जबाबदारी ; नंदन वेंगुर्लेकर,सचिव,आधार फाउंडेशन सिंधुदुर्ग

🎥 कोकण लाईव्ह ब्रेकिंग न्यूज

अचूक बातमी थेट हल्ला

🎴दोडामार्ग, दि-१५ :- सिंधुदुर्ग जिल्ह्यात दिनांक 9/2/2014 पासून इमर्जन्सी मेडिकल सर्व्हिस भारत विकास ग्रुपच्या अंतर्गत BVG इंडिया लिमिटेड या कंपनी मार्फत मोफत रुग्णवाहिका सेवा सुरू करण्यात आली.. सद्यस्थितीत आपल्या जिल्ह्यात एकूण 12 रुग्णवाहिका उपलब्ध असून त्यापैकी 9 रुग्णवाहिका (BLS) मध्ये ऑक्सिजन सुविधा व इतर आवश्यक साहित्य तसेच 3 रुग्णवाहिका ( ALS) मध्ये व्हेंटिलेटर सुविधा व इतर आवश्यक साहित्य उपलब्ध आहे..

सर्व 12 रुग्णवाहिके साठी एकूण 12 विशेषज्ञ डॉक्टर्स तसेच एकूण 28 पायलट ( ड्रायव्हर्स) नियुक्त करण्यात आले असून गेले वर्षभर जीवाचे रान करत सर्व पेशंटना कमीत कमी वेळेत हॉस्पिटल मध्ये आणत आहेत..

गेल्या सहा महिन्याचा विचार करता 2021 च्या सुरुवातीला आपल्या जिल्ह्यात 3000 ते 4000 कोरोना रुग्ण होते परंतु आजची परिस्थिती पाहता हीच आकडेवारी 7000 च्या जवळपास पोचली आहे.. आज सर्व 108 गाड्या दिवसरात्र चालवून सुध्धा प्रचंड गतीने वाढलेल्या सक्रिय रुग्ण संख्येमुळे ग्रामीण भागात त्या कुटुंबांना चांगली दर्जेदार सेवा देताना BVG कंपनीला अडचणी येत आहेत..

गाड्या कमी आणि पेशंट संख्या दुप्पट असूनही जिल्हा रुग्णालयातील सौ. तळगावकर मॅडम यांच्या मार्गदर्शनाखाली श्री. विनायक पाटील, जिल्हा व्यवस्थापक, BVG कंपनी व त्यांचे सहकारी जीवतोड मेहनत घेऊन प्रत्येक पेशंटला चांगली सेवा देऊन त्यांचा जीव वाचवण्यासाठी रात्रंदिवस काम करीत आहेत.. पण त्यांच्याही काही मर्यादा आहेत हे विसरून नाही चालणार.. किती दिवस त्यांचा राज्य सरकार व जिल्हा प्रशासन रात्रंदिवस फेस काढणार..?? ती पण जिवंत माणसच आहेत याचा विचार करणारी कोणीतरी व्यक्ती आपल्या जिल्ह्यात आहे का आणि असेल तर त्यांच्या अडचणी व सूचना कोणी समजुन घेणार का हाच मुख्य प्रश्न आहे..??

108 नंबर ला कोणीही कॉल केल्यावर कमीत कमी वेळेत त्या लोकेशन वर पोचण्यासाठी त्या ड्रायव्हर्स लोकांचा प्रयत्न असतो पण अचानक गंभीर स्थिती असलेल्या ऑन वे ठिकाणाहून पुढचा कॉल वेटींग वर असल्यास त्यावेळी नेमकी सेवा पहिली कोणाला द्यायची अशी परिस्थिती मागील 3 महिन्यात सतत उद्भवलेली आहे.. काय होत असेल तेव्हा त्या 108 गाडीतील ड्रायव्हर्स आणि त्यातील डॉक्टर्स लोकांचे हे देवच जाणे.. कोणाला आधी वाचवायच त्या सक्रिय रुग्णाला की ज्याला ऑक्सिजन ची तात्काळ गरज असलेल्या त्या पेशंटला..??

एकाच वेळी अनेक कॉल एकाच भागातून आल्यास पहिला कॉल पूर्ण झाल्याशिवाय दुसरा कॉल अटेंड करू शकत नाहीत ही लोक इच्छा असूनही..

एकच उपाय यावर की तात्काळ 8 रुग्णवाहिका BVG कंपन्याच्या ताफ्यात दाखल झाल्या पाहिजेत तरच जिल्ह्यातील नागरिकांना चांगली सेवा देणे त्यांना शक्य होणार आहे.. जानेवारी महिन्यापासून दरमहा अनुक्रमे 1442,2057,2344,3001,2165 एव्हढ्या पेशंटना चांगली सेवा देण्याचा सौ. तळगावकर मॅडम व त्यांच्या सहकाऱ्यांनी प्रयत्न केला आहे.. पण दुप्पट संख्या झाल्यामुळे त्यांची टीम सुध्धा हतबल झाली आहे..

आणीबाणीच्या काळामुळे नवीन रुग्णवाहिका काही PHC ना हल्लीच दिलेल्या आहेत.. त्यातील 2/3 रुग्णवाहिका गरजे प्रमाणे वापराव्या लागतील नाहीतर निष्पाप  लोकांना जीव गमवावा लागेल..

माझी राज्य सरकार व जिल्हा प्रशासनाला हाथ जोडून विनंती आहे की  BVG कंपनीच्या 8 गाड्या तात्काळ वाढवा नाहीतर येणाऱ्या काळात केवळ रुग्णवाहिका वेळेत  उपलब्ध झाली नाही म्हणून अनेक लोकांचे प्राण जातील आणि याला सर्वस्वी जबाबदार राज्य व जिल्हा प्रशासन राहील याची जाणीव ठेवा असे भावनिक आवाहन श्री. नंदन वेंगुर्लेकर, सचिव, आधार फाउंडेशन सिंधुदुर्ग यांनी केले आहे..