🛑 बंधाऱ्यात बुडून आदम बापू नाचरे राहणार उंबर्डे मेहबूबनगर यांचा दुर्दैवी निधन

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : संजय शेळके

🎴वैभववाडी, दि-१५ :- बंधाऱ्यात बुडून आदम बापू नाचरे वय 55 राहणार उंबर्डे मेहबूबनगर यांचा दुर्दैवी अंत झाला आहे. ही घटना रविवारी दुपारी घडली आहे. वैभववाडी पोलीस घटनास्थळी पोहोचले असून त्यांनी मृतदेह ताब्यात घेतला आहे. सदर घटनेचा पंचनामा पोलिसांनी करुन मृतदेह उंबर्डे प्राथमिक आरोग्य केंद्रात नेण्यात आला आहे.

मयता अदम नाचरे हे रविवारी सकाळी आपली जनावरे नेहमीप्रमाणे घेऊन आपल्या धनगरवाडीकडील शेतात गेले होते. दुपारनंतर त्यांची जनावरे घरी आले मात्र आदम नाचरे जनावरांसोबत नव्हते. दरम्यान घरातील नातेवाईकांनी त्यांची जंगलाच्या दिशेने शोधाशोध केली. परंतु ते कुठेच आढळले नाही. सोमवारी सकाळी नातेवाईक व ग्रामस्थांनी पुन्हा त्यांची शोधाशोध केली. शोधत असताना ते जेटीचे शेत नजीक कृषी विभागाने बांधलेल्या बंधाऱ्यात त्यांचा मृतदेह सापडला आहे. शेताकडे जाणाऱ्या वाटेतील वहाळातील पाण्यात पडून ते बंधाऱ्याच्या दिशेने वाहत गेल्याची शक्यता व्यक्त होत आहे.

या घटनेची माहिती मिळताच पोलिस निरीक्षक अतुल जाधव व पोलीस कर्मचारी घटनास्थळी रवाना झाले. बंधाऱ्यातील मृतदेह ग्रामस्थांच्या मदतीने पोलीसांनी बाहेर काढला. व घटनेचा पंचनामा केला. मृतदेह शवविच्छेदनासाठी उंबर्डे प्राथमिक आरोग्य केंद्रात नेण्यात आला आहे. यावेळी उंबर्डे सरपंच एस. एम. बोबडे, पोलीस पाटील विजय दळवी, दशरथ दळवी, हाजी अब्दुल नाचरे, रत्नाकर बंदरकर, सय्यद नाचरे व नातेवाईक उपस्थित होते.