🛑 भाजपा जिल्हा सरचिटणीस निलेश सामंत यांच्या वतीने परुळेतील ४० गरजू रिक्षा चालकांना जीवनावश्यक वस्तूंचे वाटप..

🛑 लॉकडाऊन मुळे रिक्षाचालक आर्थिक विवंचनेत..

🛑 संसाराचा गाडा हाकण्यासाठी करावी लागतेय तारेवरची कसरत..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : समीर चव्हाण

🎴वेंगुर्ले, दि-१४ :- कोरोना सुरू झाल्यापासून त्याला रोकण्यासाठी लॉकडाऊन सुरू झाले व या लॉकडाऊनची झळ रिक्षा व्यवसायाला सुध्दा बसली आहे. त्यामुळे रिक्षाचालकांवर आर्थिक संकट ओढावले आहे. बँकांचे हप्ते, गाडीचा मेंटेनन्स, इन्शुरन्स, विज बिल, घरातील खर्च या सर्वांची जमवाजमव करताना रिक्षाचालकांना तारेवरची कसरत करावी लागत आहे. त्यात ‘दुष्काळात तेरावा महिना’ म्हणजे तौक्ते चक्रीवादळ.

रिक्षा चालकांच्या या व्यथा समजून भाजपा जिल्हा सरचिटणीस तथा वेतोबा पेट्रोलियम परुळेचे मालक, माजी सभापती निलेश सामंत यांनी आज परुळेतील ४० गरजू रिक्षा चालकांना जीवनावश्यक वस्तूंचे वाटप केले. त्यामध्ये डाळ, साखर,चहा पावडर, मीठ, कांदे, बटाटे, तेल, वाटणे, इत्यादी वस्तूंचा समावेश होता.

या वस्तूंचे वितरण भाजपा पदाधिकारी व कार्यकर्त्यांनी केले. या वितरणानंतर भाजपा युवामोर्चा तालुकाध्यक्ष वेंगुर्ले प्रसाद पाटकर यांच्याशी संपर्क साधला असता ” आम्ही मदत करताना तो कोणत्या पक्षाचा आहे हे बघत नाही ज्यांना खरोखरच मदतीची गरज आहे त्यांच्या पर्यंत पोहोचण्याचा आमचा प्रयत्न असतो. प्रसिद्धी किंवा राजकारणासाठी हे सामाजिक उपक्रम भाजपा करत नाही पण अशा प्रकारच्या मदत कार्यानंतर गरजूंच्या चेह-यावर जे समाधान दिसते, ते जे मनापासून आशिर्वाद देतात व चांगले काम करताय अशी कौतुकाची थाप पाठीवर देतात तेव्हा अधिकाधिक सामाजिक उपक्रम राबविण्यासाठी प्ररणा मिळते. म्हणूनच आम्ही भाजपा जिल्हाध्यक्ष श्री राजन तेली यांच्या नेतृत्वाखाली व जिल्हा सरचिटणीस श्री निलेश सामंत यांच्या मार्गदर्शनाखाली अनेक सामाजिक उपक्रम राबवत असतो व भविष्यातही हा मदत कार्यांचा झंझावात असाच सुरू राहिला.” अशा भावना त्यांनी व्यक्त केल्या.

या जीवनावश्यक वस्तूंच्या वितरणावेळी कुशेवाडा सरपंच श्री निलेश सामंत, युवा मोर्चा तालुकाध्यक्ष श्री प्रसाद पाटकर, माजी सरपंच श्री जयवंत राऊळ, शक्ती केंद्रप्रमुख श्री रुपेश राणे, माजी उपसरपंच श्री आप्पा राठीवडेकर, सौ. सीमा सावंत, रिक्षा युनियन श्री अध्यक्ष साई परुळेकर, उपाध्यक्ष श्री नंदू दाभोलकर, श्री संजय आमडोस्कर, श्री मनोज पाटकर, श्री तातोबा दाभोलकर, यासह ४० रिक्षा चालक मालक उपस्थित होते. रिक्षा चालकांनी सहकार्याबद्दल भाजपा पदाधिकाऱ्यांचे आभार व्यक्त केले.