🛑 कोलगाव येथे ग्रामपंचायत प्रशासनाच्या माध्यमातून पं. दीनदयाळ उपाध्याय ग्राम विलगीकरण कक्षाचा शुभारंभ..

🛑 खा. नारायण राणे यांच्या हस्ते विलगीकरण कक्षाचा शुभारंभ..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ ब्युरो चीफ : विशाल पित्रे

🎴सावंतवाडी,दि-१४:- कोलगाव येथे ग्रामपंचायत प्रशासनाच्या माध्यमातून सुरू करण्यात आलेल्या पं. दीनदयाळ उपाध्याय ग्राम विलगीकरण कक्षाचा शुभारंभ आज माजी मुख्यमंत्री तथा भाजपाचे खासदार नारायण राणे यांच्या हस्ते करण्यात आला. दरम्यान सर्व सोयीसुविधांनी युक्त या विलगीकरण कक्षात ३० बेडची सुविधा उपलब्ध करून देण्यात आली आहे. त्यामुळे याचा फायदा तेथील कोरोना ग्रस्तांना होणार.

यावेळी यावेळी जिल्हाध्यक्ष राजन तेली, जिल्हा परिषद आरोग्य सभापती अनिशा दळवी, जिल्हा परिषदेच्या महिला व बालकल्याण सभापती शर्वाणी गावकर, पंचायत समिती सभापती निकिता सावंत,पंचायत समिती सदस्य प्राजक्ता केळुसकर, आरोग्य अधिकारी वर्षा शिरोडकर, नगरसेवक परीमल नाईक, महेश सारंग, रेश्मा सावंत, मोहिनी मडगावकर, मेघना साळगावकर,सरपंच संतोष राऊळ,उपसरपंच दिनेश सारंग ग्रा. प.सदस्य आदींसह मोठ्या संख्येने भाजपाचे पदाधिकारी व ग्रामस्थ उपस्थित होते.

या उद्घाटन प्रसंगी गावात कोरोना काळात योद्धा म्हणून काम करणाऱ्या आरोग्य कर्मचाऱ्यांसह आशा सेविका व स्वयंसेवकांचा श्री. राणे यांच्या हस्ते सन्मान करण्यात आला. दरम्यान या विलगीकरण कक्षात गावातील रुग्णांना सेवा मिळणार आहे. त्या ठिकाणी जीवनावश्यक सर्व सोयीसुविधा उपलब्ध करून देण्यात आल्या आहेत. हे विलगीकरण पक्ष उभारण्यासाठी अनेक दात्यांचा हातभार लागला आहे. त्यामुळे रुग्णांनी या सेवेचा लाभ घ्यावा, असे आवाहन ग्रामपंचायत प्रशासनाच्या माध्यमातून करण्यात आले आहे.