🛑 आंदुर्ले गावात १४ ते २० जुन पर्यंत लॉकडाऊनचा निर्णय..

🛑 कडक बंद पाळून कृपया सर्वांनी सहकार्य करावे असे नागरिकांना आवाहन..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : समीर चव्हाण

🎴वेंगुर्ले, दि-११ :- आंदुर्ले गावात झपाट्याने वाढणारी कोरोना पॉझिटिव्ह रुग्णसंख्या लक्षात घेता आंदुर्ले गावं सोमवार दि.14 ते रविवार दि.20 या सात दिवसासाठी कडकडीत बंद पाळण्याचा निर्णय ग्रामपंचायत आणि कोरोना नियंत्रण समिती यांच्या बैठकीत घेण्यात आला आहे.

कोरोनाची साखळी तोडण्यासाठी तुमचे प्रत्येकाचे या सात दिवसात सहकार्य अपेक्षित असून कृपया कोणीही अत्यावश्यक कामाशिवाय घराबाहेर पडू नये तसेच आपल्या शेजारच्या लोकांना आणि कुटुंबातील लोकांना विनाकारण घराबाहेर पडू नका अशी सूचना द्या. कारण आपल्या गावात, शेजारी आलेला कोरोना आपल्या घरात यायला वेळ लागणार नाही. सर्व दुकानें, हॉटेल, धान्य दुकान सोमवार ते रविवार बंद राहतील. कृपया सात दिवस सहकार्य करा अशी कळकळीची विनंती नागरिकांना करण्यात आली आहे.

बंद काळात विनाकारण बाहेर पडाल तर पुढीप्रमाणे कारवाई होवू शकते.

1) कोणत्याही क्षणी फिरत्या पथकाकडून रॅपिड टेस्ट.

2) विनाकारण फिरणाऱ्यांना दंड तसेच गुन्हा दाखल होईल.

3) तुम्ही सांगितलेल्या कारणांची खात्री करण्यासाठी तुमच्या घराकडे केली जाऊ शकते विचारणा. विसंगती आढळ्यास दंड आणि गुन्हा नोंद होईल.

सर्वांनी जबाबदारी ओळखून सहकार्य करा. कुटुंबातील व्यक्तींना समजावून सांगा, वाडीत शेजारी सांगा. कोरोना नियंत्रणात आणन्यासाठी प्रत्येकाने सहकार्य करा असे आवाहन ग्रामपंचायत व कोरोणा नियंत्रण समिती यांच्या वतीने करण्यात आले आहे.