🛑 इन्सुलीत ग्रामविलगीकरण कक्षाचे सावंतवाडी प्रांताधिकारी सुशांत खांडेकर यांच्या हस्ते उद्घाटन, तहसिलदार राजाराम म्हात्रे यांची उपस्थिती..

🛑 सरपंच गंगाराम उर्फ तात्या वेंगुर्लेकर स्वखर्चाने करणार कक्षातील कोरोनाबाधितांची न्याहारी व जेवणाची व्यवस्था..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : अंकुश नाईक

🎴बांदा, दि-०९ :- कोरोना‌ हे जगासमोर आलेले मोठे संकट आहे, यामुळे माणसामाणसातील दरी वाढत आहे.कोरोनावर मात करण्यासाठी गावा-गावातील लोकांनी एकत्र येऊन यावर मात करणे गरजेचे आहे.गावातील सक्षम ग्रामस्थांनी कोरोनाग्रस्तांना शक्य तेवढे सहकार्य करुन प्रत्येकाने संकटातून बाहेर पडणे आवश्यक आहे,असे प्रतिपादन उपविभागीय अधिकारी तथा प्रांताधिकारी सावंतवाडी सुशांत खांडेकर यांनी केले.इन्सुली गावातील कोरोनाबाधित रुग्णांना ग्रामविलगीकरण कक्षाचा उपयोग होणार आहे.यावेळी बोलताना तहसिलदार म्हात्रे म्हणाले की,आपण आणि प्रांताधिकारी कोरोना काळात पुर्णपणे कोरोनाचे नियम पाळुन एकत्र काम करत आहोत,तसेच प्रत्येकाने नियम पाळुन अत्यावश्यक कामासाठीच घराबाहेर पडले‌‌ पाहिजे, खऱ्याअर्थाने विलगीकरण कक्षाची संकल्पना इन्सुली गावातुनच प्रथम मिळाली होती असे उद्गार त्यांनी काढले.या कक्षात विलगीकरणात राहणाऱ्या बाधितांना सरपंच गंगाराम वेंगुर्लेकर यांच्याकडून न्याहारी व जेवणाची सोय स्वखर्चाने करण्यात येणार आहे.सदर कक्षासाठी सावंतवाडी नगराध्यक्ष संजु परब यांनी १५ बेड दिले आहेत.इन्सुली ग्रामपंचायतीच्या वतीने नुतन माध्यमिक विद्यालय इन्सुली येथे ग्रामविलगीकरण कक्षाचे उद्घाटन सावंतवाडी प्रांताधिकारी सुशांत खांडेकर यांच्या हस्ते झाले यावेळी त्यांच्यासमवेत तहसिलदार राजाराम म्हात्रे,सावंतवाडी पंचायत समिती गटविकास अधिकारी वासुदेव नाईक, पंचायत समिती सदस्या सौ मानसी धुरी,सरपंच-गंगाराम वेंगुर्लेकर,जिल्हा बँक संचालक गुरुनाथ पेडणेकर,विद्या विकास मंडळ अध्यक्ष उमेश पेडणेकर, सचिव विकास केरकर,पोलीस पाटील सौ‌.जागृती गावडे,तंतामुक्त अध्यक्ष संजय राणे,केंद्रप्रमुख लक्ष्मीदास ठाकुर, ग्रामविकास अधिकारी चव्हाण,तलाठी अनिल आहिरे,सचिन पालव,मुख्याध्यापक विनोद गावकर, ग्रामपंचायत सदस्य कृष्णा सावंत, सदस्या सौ.वर्षा सावंत,सौ.आरती परब,सौ.सोनाली मेस्त्री तसेच आरोग्य ‌सेवक साईस्वरुप देसाई,रघुवीर देऊलकर उपस्थित होते.