🛑 रोटरी स्कूलच्या कु.धनंजय धुमाळ याने पटकावला ‘ बालवैज्ञानिक’ पुरस्कार..

🛑 डॉ.होमीभाभा बालवैज्ञानिक परीक्षेत कांस्य पदक पटकावून स्कूलचा कु .धनंजय धुमाळ जिल्ह्यात प्रथम..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : संतोष पिलके

🎴चिपळूण, दि-०८ :- मे मध्ये मुंबई विज्ञान शिक्षक असोसिएशन मार्फत घेण्यात आलेल्या होमीभाभा बालवैज्ञानिक परीक्षेत रोटरी इंग्लिश मिडिअम स्कूल , खेडच्या कु . धनंजय धुमाळ ( इ .9 वी ) याने कांस्य पदक पटकावून ‘ बालवैज्ञानिक पुरस्कार ‘ प्राप्त केला आहे . सन 2020- 21 मध्ये कोरोना विषाणूचा वाढता प्रादुर्भाव लक्षात घेता विद्यार्थ्यांच्या सुरक्षिततेला प्राधान्य देत यावर्षी पहिल्यांदाच होमीभाभा बालवैज्ञानिक परीक्षा चार टप्प्यांमध्ये ऑनलाईन पद्धतीने घेण्यात आली . त्यामध्ये प्रथम पातळी – वस्तुनिष्ठ परीक्षा , द्वितीय पातळी प्रात्यक्षिक परीक्षा , अंतिम पातळी कृतिसंशोधन व मुलाखत अशाप्रकारे या परीक्षेचे स्वरूप होते . यामध्ये रोटरी इंग्लिश मिडिअम स्कूलच्या कु . धनंजय नितीन धुमाळ ( इ . 9 वी ) या विद्यार्थ्यांने होमिभाभा बालवैज्ञानिक परीक्षेत कोव्हीड -19 संक्रमण , निदान , उपचार व लसीकरण या विषयावर स्वतः कृतीसंशोधन केले . अभ्यासू वृत्ती , जिद्द व आत्मविश्वासाच्या बळावर होमिभाभा बालवैज्ञानिक परीक्षेच्या चारही टप्प्यांमध्ये कु . धनंजय धुमाळ याने उत्तम सादरीकरण करून उपस्थित परीक्षकांची मने जिंकत कांस्य पदकाला गवसणी घातली . कु . धनंजय नितीन धुमाळ याने प्राप्त केलेल्या यशामुळे मुंबई विज्ञान शिक्षक असोसिएशन च्या वतीने ‘ होमिभाभा बालवैज्ञानिक पुरस्कार ‘ देवून सन्मानित करण्यात येणार आहे . सर्वात महत्वाची बाब म्हणजे रोटरी इंग्लिश मिडिअम स्कूल , खेडच्या कु . धनंजय धुमाळ या विद्यार्थ्यांने डॉ . होमीभाभा बालवैज्ञानिक परीक्षेत कांस्य पदक पटकावून रत्नागिरी जिल्हयात प्रथम येण्याचा बहुमान प्राप्त केला आहे . कु . धनंजयच्या यशामुळे सर्वच स्तरांतून त्याच्यावर कौतुकाचा वर्षाव होत आहे . कु . धनंजय धुमाळ याला सौ . अश्विनी पाटील , श्री . वैभव नांदिसकर , श्री . विक्रांत जाकरवार , श्री . राहूल एकघरे , सौ . रीटा पाटणे , विज्ञान विभागप्रमुख सौ . मीरा पवार , सौ . रिया पवार , सौ . तनुजा चव्हाण , सौ . तेजश्री क्षीरसागर , प्रयोगशाळा सहाय्यक सौ . प्राजक्ता जड्याळ व सर्व विज्ञान विषय शिक्षक यांनी मोलाचे मार्गदर्शन केले . कु . धनंजय धुमाळ याचे रोटरी स्कूलचे चेअरमन मा . बिपीनदादा पाटणे , शाळेच्या मुख्याध्यापिका सौ . भूमिता पटेल , समन्वयक श्री . राहुल गाडबैल , सर्व पदाधिकारी , शिक्षक व शिक्षकेतर कर्मचारी यांनी अभिनंदन करून पुढील वाटचालीस शुभेच्छा दिल्या .