🛑 मुंबईतील दीप जनसेवा समितीतर्फे काडवली बौद्धवाडी-रोहिदासवाडी तील ग्रामस्थांना जीवनावश्यक वस्तूंचचे वाटप

June 7, 2021 Pratik Rane

🛑 चिवेली येथील साळुंखे परिवाराचे सहकार्य तर पत्रकार संतोष सावर्डेकर यांचा पुढाकार..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : ओंकार रेळेकर

🎴चिपळूण, दि-०७ :- तालुक्यातील चिवेली येथील सुनिल साळुंखेपरिवाराच्या पुढाकाराने मुंबईतील दिप जनसेवा समितीच्या माध्यमातून काडवली बौद्धवाडी व रोहिदासवाडीमधील गरजू ग्रामस्थांना जीवनावश्यक वस्तूंचे वाटप करण्यात आले. हा कार्यक्रम पत्रकार व सामाजिक कार्यकर्ते संतोष सावर्डेकर यांच्या पुढाकाराने घेण्यात आला. या उपक्रमाबद्दल येथील ग्रामस्थांनी समाधान व्यक्त करीत साळुंखे परिवार व दिप जनसेवा समितीला धन्यवाद दिले आहेत.

कोरोना परिस्थितीमुळे सर्वसामान्यांचा रोजगार बुडाला आहे. तर ग्रामीण भागात देखील याचा मोठा फटका बसला असून हातावर पोट असणाऱ्यांचे मोठे हाल होत आहेत. ही परिस्थिती लक्षात घेऊन चिवेली येथील सुनील साळुंखे व त्यांचे स्थानीक बंधु दिपक साळुंखे व विलास साळुंखे यांच्या पुढाकाराने मुंबईतील दिप जनसेवा समितीच्या माध्यमातून चिवेली येथील गरजूंना काही दिवसांपूर्वी जीवनावश्यक वस्तूंचे वाटप करण्यात आले. या उपक्रमाचे चिवेली येथील ग्रामस्थांनी समाधान व्यक्त केले असून साळुंखे परिवार व जनदीप सेवा समितीला धन्यवाद दिले आहेत.

तर दुसरीकडे काडवली बौद्धवाडी व रोहिदासवाडी येथील गरजूंना जीवनावश्यक वस्तूंचे वाटप व्हावे यासाठी पत्रकार व सामाजिक कार्यकर्ते संतोष सावर्डेकर यांनी ही बाब सुनील साळुंखे यांच्या निदर्शनास आणून दिली. येथील ग्रामस्थ मोलमजुरी करून आपला उदरनिर्वाह करतात. कोरोना परिस्थितीमुळे आर्थिक परिस्थिती बेताची बनली आहे. ही बाब सुनील साळुंखे यांच्या लक्षात आणून दिल्यानंतर साळुंखे परिवाराने दीप जनसेवा समितीच्या माध्यमातून तातडीने येथील गरजूंना जीवनावश्यक वस्तू उपलब्ध करून देण्याचा निर्णय घेतला आणि नुकतेच या सुनील साळुंखे यांचे भाऊ विलास व दीपक साळुंखे यांनी या वस्तू चिवेली येथे पत्रकार व सामाजिक कार्यकर्ते संतोष सावर्डेकर यांच्यासह विजय मोहिते, संदीप मोहिते, हरीश मोहिते यांच्याकडे सुपूर्द करण्यात आल्या. यावेळी पत्रकार संतोष सावर्डेकर यांनी आपल्या मनोगतात दीप जनसेवा समितीसह सुनील साळुंखे यांचे आभार मानले.

यानंतर या जीवनावश्यक वस्तूंच्या वाटपाचा कार्यक्रम बौद्धवाडी येथे झाला. यावेळी गरजूंना या वस्तूंचे वाटप करण्यात आले. यावेळी शंकर सावर्डेकर, हरीश मोहिते, निलेश मोहिते, चंद्रकांत मोहिते, सुभाष मोहिते, भगवान मोहिते, प्रकाश मोहिते, तुळसा मोहिते, सुरेखा मोहिते आदी ग्रामस्थ उपस्थित होते. या उपक्रमाबद्दल येथील गरजू ग्रामस्थांनी दीप जनसेवा समिती व साळुंखे परिवाराला धन्यवाद दिले आहेत. कार्यक्रमाचे सूत्रसंचालन व आभार संदीप मोहिते यांनी मानले.

Leave a Reply