🛑 शिवकृपा कला क्रीडा मंडळ चव्हाणवाडी च्या वतीने म्हापण चव्हाणवाडी येथे सॅनिटायझर, मास्क चे वितरण..

🛑 वितरणा सोबतच केली कोरोना विषयी जनजागृती..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : समीर चव्हाण

🎴वेंगुर्ले, दि-०७ :- गेले काही दिवस म्हापण येथे कोरोणा प्रादुर्भाव खूप मोठ्या प्रमाणावर पसरत आहे. म्हापण चव्हाणवाडी येथे सुद्धा दिवसेंदिवस रुग्ण संख्या वाढत चालली आहे. चव्हाणवाडी च्या लोकसंख्येच्या घनतेचा विचार केला असता येथे कोरणा खूप वेगाने आपले हात पाय पसरू शकतो. या सर्व बाबींचा विचार करून म्हापण चव्हाणवाडी मधील शिवकृपा कला क्रीडा मंडळ चव्हाणवाडी या मंडळाने आपल्या सर्व सदस्यांना व कार्यकर्त्यांना एक विशेष मेडिकल किटचे वाटप केले आहे. या मेडिकल किटमध्ये सॅनिटायझर, मास्क, व्हिटामिन सी च्या गोळ्या इत्यादी वस्तूंचा समावेश आहे.किटचे वितरण करताना गर्दी होऊ नये म्हणून या किटचे वितरण मंडळाच्या काही कार्यकर्त्यांनी प्रत्येकाच्या घरी जाऊन केले. कार्यकर्त्यांनी सुद्धा मास्क लावून व सोशल डिस्टन्स राखून या किटचे वितरण केले.

या मेडिकल किट चे वितरण करत असताना त्यातील साहित्याचा कसा वापर केला पाहिजे हे सुद्धा प्रत्येकाला समजावून सांगण्यात आले व त्याच बरोबर कोणीही कामाशिवाय घरातून बाहेर पडू नये, घरातून बाहेर पडताना मास्क घालूनच बाहेर पडावे, लहान मुलांना खेळण्यासाठी एकत्र बाहेर सोडू नये, कोणी कामानिमित्त बाहेर जात असेल तर त्याने घरी आल्यावर कुठेही बाहेर फिरू नये, बाहेरून आल्यावर सॅनिटायझर ने हात स्वच्छ करून घ्यावेत आणि मगच घरात प्रवेश करावा, कोणाला ताप सर्दी खोकला असल्यास न घाबरता कोरोणा चाचणी करून घ्यावी अशी विविध आवाहने लोकांना करण्यात आली. सध्याची कोरोणाची भयानक परिस्थिती पाहता या मंडळाने अतिशय स्तुत्य उपक्रम राबविला आहे.

या उपक्रमात त्यांना डॉक्टर दीपक ठाकूर व त्यांचे बंधू प्रसाद ठाकुर यांचे विशेष सहकार्य व मार्गदर्शन लाभले.

यावेळी मंडळाचे अध्यक्ष देविदास चव्हाण, उपाध्यक्ष चंद्रकांत चव्हाण, सचिव मंदार चव्हाण कार्यकर्ते किरण चव्हाण, लीलाधर चव्हाण, शेखर चव्हाण, आनंद चव्हाण, समीर चव्हाण उपस्थित होते.