🛑 या वादळाचा मोठा तडाखा बसला, याबाबत जिल्हाधिकाऱ्यांशी बोलून त्यांना जास्तीत जास्त मदत देण्यासाठी प्रयत्न केले जातील ; पर्यटन महामंडळाच्या उपसंचालकांचे आश्वासन..

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : गणेश तोडकर

🎴कुडाळ, दि-०५ :- सिंधुदुर्गसह संपूर्ण कोकणात नुकत्याच झालेल्या वादळामुळे सर्वच घटकांचे अतोनात नुकसान झालेले आहे.कोरानामुळे आधीच गलीतगात्र झालेला पर्यटन व्यवसायिक या नैसर्गिक आपत्तीमुळे मोठ्या संकटात सापडलेला आहे.जिल्ह्यातील निवास-न्याहारीधारक व इतर छोटेमोठे हाँटेल व्यवसायिकाना या वादळाचा मोठा तडाखा बसला अशावेळी पर्यटन महामंडळ या परिस्थितीचं गांभीर्य लक्षात घेऊन पर्यटन व्यवसायिकांना मदत मिळवून देईल असे आश्वासन महाराष्ट्र पर्यटन महामंडळाचे उपसंचालक श्री हनुमंत हेडे यानी दिले. सिंधुदुर्ग जिल्हा पर्यटन व्यवसायिक महामंडळाच्या वतीने निवास न्याहारी योजना,क्रुषी पर्यटन व महाभ्रमण व्यवसायिंकासाठी आयोजित केलेल्या वेबिनार मध्ये ते बोलत होते.

सुरुवातीला श्री. उदय कदम यांनी सर्वाचे स्वागत करुन वेबिनारच्या आयोजन मागची भूमिका स्पष्ट केली. महासंघाचे अध्यक्ष श्री बाबा मोंडकर यांनी नैसर्गिक आपत्तीमुळे नुकसान झालेल्या पर्यटन व्यवसायिकांचे तातडीने पंचनामे करून नुकसान भरपाई मिळवून देण्यासाठी पर्यटन महामंडळाने प्रयत्न करण्याची आग्रही मागणी केली.महासंघाचे उपाध्यक्ष श्री डि.के.सावंत यांनी शासनाची धोरणं चांगली आहेत मात्र त्याची प्रभावीपणे अमंलबजावणी होत नाही त्याबाबत सकारात्मक विचार व्हावा असे मत मांडले.जिल्हा सचिव अँड.नकुल पार्सेकर यांनी बहुसंख्य पर्यटन व्यवसायिकांना नव्याने व्यवसाय सुरू करताना वा जे व्यवसायात आहेत अशानां इतर खात्याकडून लागणारे विविध परवाने याबाबतीत अनेक अडचणी येतात.अनेकदा नियमावर बोट ठेवून कारवाई केल्याने मुळातच अडचणीत असलेला व्यवसायिक त्रस्त होतो अशावेळी संबंधित खात्यातील यंत्रणेशी पर्यटन महामंडळाने समन्वय साधून पर्यटन व्यवसायिकांना दिलासा द्यावा अशी मागणी केली.

कार्याध्यक्ष श्री सतीश पाटणकर यांनी पर्यटन महामंडळाने पर्यटन स्थळांची माहिती देणारे व दिशादर्शक फलक लावावेत असे मत मांडले.

यावेळी पर्यटन महामंडळाचे प्रादेशिक व्यवस्थापक श्री दीपक हरणे यांनी शासनाच्या नवीन क्रुषी पर्यटनाच्या धोरणाबाबत सविस्तर माहिती देवून याबाबत संपूर्ण कोकणात कार्यशाळा घेऊन जनजागृती करणार असल्याचे सांगितले. सुमारे साठ टक्याहून जास्त लोक हे शेतीवर अवलंबून आहेत याचा विचार करता पुरक व्यवसायातून ग्रामीण विकासाची संकल्पना राबविण्याचा महामंडळाचा मानस असल्याचे सांगितले.

भारत सरकारच्या पर्यटन विभागाच्या माजी संचालक श्रीमती निला लाड यांनी निसर्गसंपन्न कोकणभूमीला पर्यटनासाठी मोठा वाव असून या चळवळीसाठी प्रामाणिकपणे काम करणाऱ्या पर्यटन व्यवसायिक महासंघाच्या पदाधिकाऱ्याना महामंडळाने विश्वासात घेऊन धोरणांची अंमलबजावणी करावी अशी अपेक्षा व्यक्त केली.ट्रँव्हल एजंट असो.चे सेक्रेटरी श्री उदय कदम यांनी महसंघाच्या या पर्यटन वाढीच्या चळवळीस आपण सदैव सक्रीय पाठिंबा देण्यास तयार असल्याचे सांगितले.

या वेबिनार मध्ये 118 लोक सहभागी झाले होते. महासंघाचे सोशल मिडिया प्रमुख श्री किशोर दाभोलकर, सावंतवाडीचे अध्यक्ष श्री जितेंद्र पंडीत संजना टूर्सचे श्री काकडे,आदी मान्यवर उपस्थित होते.