🛑 अखेर वैभववाडी तालुक्यातील सडुरे प्राथमिक आरोग्य केंद्राला मिळाली रुग्णवाहिका..

🛑 पंचायत समितीच्या सभापती अक्षता डाफळे यांच्या हस्ते करण्यात आले उद्घाटन..

🎥 कोकण लाईव्ह ब्रेकिंग न्यूज

अचूक बातमी थेट हल्ला

 ✍️ प्रतिनिधी : संजय शेळके

🎴वैभववाडी, दि-०५ :- वैभववाडी तालुक्यातील सडुरे प्राथमिक आरोग्य केंद्राला गेली अनेक वर्षे रुग्णवाहिका नसल्यामूळे येथील जनतेची गैरसोय होत होती. या आरोग्य केंद्राला रुग्णवाहिका मिळण्यासाठी पालकमंत्री उदय सामंत यांच्याकडे वैभववाडी तालुका कोविड आढावा बैठकीत मागणी करण्यात मागणी करण्यात आली होती. त्या मागणीला अनुसरून पालकमंत्री यांनी तात्काळ राज्य शासनाच्या कोविड 19 विशेष अनुदानातून सडुरे प्राथमिक आरोग्य केंद्रासाठी रुग्ण वाहिका उपलब्ध करून देऊ असे सांगितले होते. त्यानुसार शनिवारी वैभववाडी तालुक्याच्या आरोग्य विभागाकडे वैभववाडी तालुक्याचे तहसीलदार रामदास झळके यांच्याहस्ते रूग्णवाहिकेची चावी सुपूर्द करण्यात आली. पंचायत समितीच्या सभापती अक्षता डाफळे यांच्या हस्ते उद्घाटन करण्यात आले.

यावेळी वैभववाडी पंचायत समिती सभापती अक्षता डाफळे, तहसीलदार रामदास झळके, उपसभापती अरविंद रावराणे, जि.प. सदस्या तथा सडुरे प्राथमिक आरोग्य केंद्र रुग्णकल्याण समिती अध्यक्ष पल्लवी झिमाळ, जि.प. सदस्य सुधीर नकाशे, पंचायत समिती सदस्य लक्ष्मण रावराणे, शिवसेना तालुकाप्रमुख तथा पंचायत समिती सदस्य मंगेश लोके, सहायक गटविकास अधिकारी शुभदा पाटील, तालुका आरोग्य अधिकारी डॉ. अनिल पवार, ग्रामीण रुग्णालयाचे डॉ. सोनवणे, आरोग्य सहायक आनंदा चव्हाण, पंचायत समितीचे श्री. माळवदे आदी उपस्थित होते.