🛑 अखेर भुईबावडा घाटात पोलिस तपासणी नाका कार्यान्वित ; आमदार नितेश राणेंच्या मागणीला यश..

🎥 कोकण लाईव्ह ब्रेकिंग न्यूज
अचूक बातमी थेट हल्ला

✍️ प्रतिनिधी : संजय शेळके

🎴 वैभववाडी, दि-०५ :- भुईबावडा घाटात पोलिस तपासणी नाका उभारण्याची मागणी करताच केवळ 24 तासात नितेश राणेंच्या मागणीला यश आले आहे. जिल्हा अधीक्षक राजेंद्र दाभाडे यांनी शनिवारपासून भुईबावडा घाटात पोलिस तपासणी नाका कार्यान्वित केला आहे. भुईबावडा रिंगेवाडी बस थांब्यानजीक गाव संनियंत्रण समिती यांच्या सहकार्याने हा तपासणी नाका सुरू झाला आहे. नाका सुरू झाल्याने भुईबावडा पंचक्रोशीतील नागरिकांनी आमदार नितेश राणे, पोलीस अधीक्षक राजेंद्र दाभाडे, पोलीस निरीक्षक अतुल जाधव व माजी उपसभापती भालचंद्र साठे यांचे आभार मानले.
भुईबावडा घाट मार्ग म्हणजे चोरवाट. राजरोसपणे कधी पण तळकोकणात या आणि जा. पण आज चोरवाट समजणा-यांना चांगलाच दणका बसला आहे. बिनापास व आरटीपीसीआर न करता जिल्ह्यात प्रवेश करणाऱ्या सर्व वाहनांना पोलिसांनी माघारी पाठवले आहे. सिंधुदुर्ग जिल्हा रेड झोन मध्ये आहे. त्यामुळे जिल्ह्याच्या बहुतांश सीमा बंद करण्यात आल्या आहेत. परजिल्ह्यातून कोकणात येण्यासाठी करूळ व भुईबावडा हे दोन प्रमुख मार्ग आहेत. करूळ नाक्यावर एपीआय दर्जाचे अधिकारी कार्यरत आहेत. या नाक्याची प्रवाशांच्या मनात भीती निर्माण झाली आहे. परंतु या मार्गातील पोलिसांचा ससेमिरा चुकविण्यासाठी बरेच जण भुईबावडा घाटाचा अवलंब करत होते. किंबहुना जिल्ह्यात कोरोना वाढीस हे देखील एक प्रमुख कारण आहे.
शुक्रवारी वैभववाडीत पार पडलेल्या आढावा बैठकीत माजी उपसभापती भालचंद्र साठे यांनी भुईबावडा मार्ग बंद करा अथवा घाटात तपासणी नाका सुरू करा. अशी मागणी आ. नितेश राणे यांच्याकडे केली. आ. नितेश राणे यांनी तात्काळ पोलीस अधीक्षक राजेंद्र दाभाडे यांना याबाबत सूचना दिल्या. लवकरच याबाबत अंमलबजावणी करतो असे श्री. दाभाडे यांनी आश्वासन दिले. शनिवारी राजेंद्र दाभाडे यांनी तपासणी नाका कार्यान्वित केला आहे. तपासणी नाका शुभारंभ प्रसंगी माजी उपसभापती भालचंद्र साठे, वैभववाडी पीएसआय प्रवीण देसाई, सरपंच बाजीराव मोरे, तानाजी मोरे, संदीप मोरे, कृष्णा विचारे, सुरेश मोरे, गजानन देसाई, दत्‍ताराम देसाई, शांताराम देसाई, विजय शिंदे व सनियंत्रण समिती सदस्य उपस्थित होते. या तपासणी नाक्यावर दोन पोलीस अंमलदार व दोन होमगार्ड यांची नियुक्ती करण्यात आली असल्याची माहिती पोलिस निरीक्षक अतुल जाधव यांनी दिली आहे.