🛑 कोरोना पॉझिटिव्ह असलेल्या दोन युवकांनी घराच्या बाहेर पडत केली एका युवकाला मारहाण.

🎥 कोकण लाईव्ह ब्रेकिंग न्यूज

अचूक बातमी थेट हल्ला

✍️ प्रतिनिधी : संजय शेळके

🎴वैभववाडी, दि-०४ :- कोरोना पॉझिटिव्ह असलेल्या दोन युवकांनी घराच्या बाहेर पडत स्वप्निल गंगाराम कदम वय 32 रा. गडमठ कदमवाडी या युवकाला बेदम मारहाण केली आहे. ही घटना 30 मे रोजी घडली. मारहाण करणाऱ्या त्या दोन आरोपींचा गृहविलगीकरण कालावधी संपल्यानंतर वैभववाडी पोलिसांनी त्यांच्यावर गुन्हा दाखल केला आहे. आरोपी विशाल सखाराम कदम व राजेंद्र सखाराम कदम हे कोरोना पॉझिटिव्ह होते. पॉझिटिव्ह असताना ते गावात फिरत असल्याची माहिती फिर्यादी स्वप्निल कदम याने गटविकास अधिकारी यांना दिली. माहिती दिली म्हणून आरोपींचा रागाचा पारा चढला. व त्यांनी स्वप्नील याला बांबूच्या साह्याने बेदम मारहाण केली. या मारहाणीत तो जखमी झाला आहे. तसेच त्याला ठार मारण्याची धमकी दिली आहे. दोन्ही आरोपीवर पोलीस ठाण्यात गुन्हा दाखल करण्यात आला आहे. या घटनेचा अधिक तपास एएसआय रवीकांत अडुळकर करत आहेत.